wrapper

Payshanba, 13 Dekabr 2018 00:00

Shoʻrtanda dunyodagi noyob zavod barpo etilmoqda

Avtor

 

 

Shoʻrtanda dunyodagi noyob zavod barpo etilmoqda

 
Gʻuzor tumanidagi ushbu hudud yaqin-yaqingacha quruq dasht edi. Bu yerda qurilishi moʻljallagan zavod loyihasi toʻxtab qolgan, uni boshlashga hech kim jurʼat qilolmayotgandi. 
 

 

photo5229094521235679741.jpg
 

 

Shavkat Mirziyoyev davlatimiz rahbari boʻlgach, bu loyihaga oid barcha masalalarni hal qilib berdi. Prezidentimizning 2016 yil 29 dekabrdagi qarorida “Shoʻrtan gaz-kimyo majmuasining tozalangan metani negizida sintetik suyuq yoqilgʻi ishlab chiqarishni tashkil etish” investitsion loyihasi buyicha qoʻshimcha chora-tadbirlar belgilandi. 

 

 

 

Mamlakatimiz rahbari 2017 yil fevral oyida Qashqadaryo viloyatiga tashrifi chogʻida mazkur zavodning qurilish maydoniga kelib, uning moliyalashtirilishi, xorijiy texnologiyalar bilan jihozlanishi, quruvchilar va kadrlar taʼminoti kabi barcha masalalarni chuqur tahlil qilgan edi. 

 

 

 

Prezident Shavkat Mirziyoyev 2018 yil 13 dekabr kuni bu yerga yana bir bor tashrif buyurdi. Faqat bu gal manzara umuman boshqacha. 135 gektardan ziyod maydonda qurilish ishlari qizgʻin. Temir-beton poydevorlar qoʻyilib, estakadalar koʻtarilgan. Ulkan avtokranlar oʻrnatilib, murakkab uskunalarni yigʻish boshlab yuborilgan. 

 

 

 

Zavod dunyodagi yetakchi litsenziar kompaniyalar – “Sasol” (JAR), “Xaldor Topse” (Daniya) va “Shevron” (AQSH) texnologiyasi asosida barpo etilmoqda. Qurilish ishlari bosh pudratchi – Koreya Respublikasining “Hyundai Engineering Co. Ltd.” va “Hyundai Engineering and Construction Co., Ltd”, Singapurning “Enter Engineering Pte. Ltd.” kompaniyalari tomonidan olib borilmoqda. Quruvchi va payvandchilarning koʻpchiligi mahalliy yoshlardir.

 

 

 

Majmua uchun zarur 11 mingdan ortiq texnologik uskunalar Yaponiya, Janubiy Koreya, Singapur, AQSH, Germaniya, Italiya, Xitoy, Rossiya kabi 21 ta davlatdagi 126 ta zavodda tayyorlanmoqda. 

 

 

 

Bunday ish hajmi bejiz emas. Tabiiy gazdan sintetik suyuq yoqilgʻi (GTL) olish juda noyob jarayon boʻlib, yuqori texnologiyalar va murakkab ilmiy yechimlarni talab etadi. Hozirda dunyoda bunday zavodlar atigi beshta, oʻzimizning Shoʻrtandagisi oltinchisi boʻladi. 

 

 

 

Mazkur ulkan loyihaning umumiy qiymati 3,6 milliard AQSH dollari. Uning amalga oshirilishi natijasida yiliga 3,6 milliard kub metr gaz chuqur qayta ishlanib, YEVRO-5 standartlariga javob beradigan 1,5 million tonna sintetik suyuq yoqilgʻi ishlab chiqariladi. Bular 311 ming tonna aviakerosin, 743 ming tonna dizel yonilgʻisi, 431 ming tonna nafta, 53 ming tonna suyultirilgan gazdir. 

 

 

 

Zavodning asosiy ahamiyati mana shunda. Yaʼni, tabiiy gaz shunchaki xomashyo sifatida emas, qoʻshimcha qiymatli mahsulot sifatida sotiladi. 

 

 

 

Masalan, 1000 kub metr tabiiy gaz eksport narxi hozirgi kunda 155 dollar atrofida boʻlsa, boʻlgʻusi zavodda shuncha gazni qayta ishlash orqali 300 dollarlik mahsulot ishlab chiqariladi. Foyda ikki barobar ortadi. 

 

 

 

Yiliga hisoblaganda, tabiiy gazdan koʻra tayyor GTL mahsulotlaridan koʻriladigan qoʻshimcha daromad 576 million dollardan oshadi. 

 

 

 

Yana bir muhim jihati – zavod mahsulotlari hozirda chetdan import qilanayotgan xomashyolar oʻrnini qoplaydi. Buning evaziga yiliga neft sotib olishga ketadigan 1 milliard dollardan ortiq valyuta mablagʻlari iqtisod qilinadi.

 

 

 

Prezident Shavkat Mirziyoyev majmua qurilishini koʻzdan kechirdi. Pudratchi va investorlar bilan suhbatlashdi. Bu haqda Oʻzbekiston Respublikasi Prezidenti Matbuot xizmati maʼlum qildi.

 

 

 

– Biz har tomonlama mulohaza qilib, sintetik yoqilgʻi ishlab chiqaradigan, 1 milliard dollar import oʻrnini toʻldiradigan tarixiy loyiha qildik. Bu Oʻzbekiston iqtisodiyotini barqaror qilish uchun katta salohiyatga ega. Shu paytgacha tarmoqda bunday nomenklatura yoʻq edi. Bu yerda yoqilgʻi ishlab chiqarib, benzin tannarxini tushirsak, odamlarimiz shuni sezadi, - dedi Shavkat Mirziyoyev. 

 

 

 

Davlatimiz rahbari mutaxassislar, texnika va resurslardan maksimal foydalanib, qurilish-montaj jarayonlarini oqilona muvofiqlashtirib, zavodni ishga tushirishni tezlashtirish, mahsulot ishlab chiqarishni bir kun boʻlsayam ertaroq yoʻlga qoʻyish zarurligini taʼkidladi. Zavodni foydalanishga topshirish muddatini qisqartirish boʻyicha takliflar ishlab chiqish boʻyicha topshiriq berdi. 

 

 

 

Ushbu zavod Shoʻrtan gaz-kimyo majmuasining yonida joylashgani umumlashgan infratuzilma obyektlaridan foydalanishda qulaylik yaratadi. Bu yerda yana bir loyiha – Shoʻrtan gaz-kimyo majmuasining quvvatini 125 ming tonnadan 505 ming tonnagacha oshirish loyihasi rejalashtirilgan.

 

 

 

Unda GTL zavodidan chiqadigan naftani qayta ishlab, yangi turdagi polietilen va polipropilen mahsulotlari ishlab chiqarish koʻzda tutilgan. 

 

 

 

Bu ishlar natijasida hudud texnologik klasterga aylanib, kelgusida kimyo, avtomobilsozlik, turizm, farmatsevtika, toʻqimachilik va boshqa sohalarni yanada rivojlantirishga asos boʻladi.

 

 

 

photo5229094521235679742.jpg

 

 

 

photo5229094521235679743.jpg

 

 

 

photo5231157355373243178.jpg


OʻzA

 

Shavkat Mirziyoyev: Amalga oshirilayotgan ishlarimizdan maqsad xalqimizni boy qilish

 
Prezidentimiz Yakkabogʻ tumanida “Sag agro Yakkabogʻ” masʼuliyati cheklangan jamiyati tomonidan barpo etilayotgan yongʻoqzor va bodomzorlarni borib koʻrdi. 
 

 

photo5229094521235679785.jpg
 

 

Mamlakatimizda qishloq xoʻjaligini rivojlantirish, ayniqsa, lalmi yer maydonlaridan foydalanishni ragʻbatlantirish va samaradorligini yanada oshirish, eksportbop yongʻoq ishlab chiqarish hajmini koʻpaytirish, xorijiy investitsiyalarni keng jalb qilish hisobiga zamonaviy yongʻoq plantatsiyalarini barpo qilish hamda yongʻoq yetishtirish boʻyicha ilmiy asoslangan usullar va intensiv texnologiyalarni keng joriy etishga alohida eʼtibor qaratilmoqda. 

 

 

 

Davlatimiz rahbarining 2017 yil 1 iyundagi “Yongʻoq ishlab chiqaruvchilar va eksport qiluvchilar uyushmasini tuzish va uning faoliyatini tashkil etish toʻgʻrisida”gi qarori hamda Prezidentimizning joriy yil yanvar oyidagi Qashqadaryoga tashrifi davomida bergan topshiriqlari asosida tumanda “Sag agro Yakkabogʻ” masʼuliyati cheklangan jamiyati tomonidan 25 milliard soʻm mablagʻ evaziga 1140 gektar maydonda yongʻoqzor va bodomzorlar tashkil etish rejalashtirilgan. Ayni paytda 700 gektar maydonda yongʻoqning “Chendler”, “Cisco” va bodomning “Avijor”, “Guara” navli koʻchatlari oʻtqazildi. Kelgusi yil yana 440 gektar maydonda mazkur daraxt koʻchatlari ekiladi. Yongʻoqzor 4 yilda, bodomzor 3 yilda hosilga kiradi. 

 

 

 

Mazkur bogʻ toʻliq barpo etilgach yiliga 7 ming tonnaga yaqin mahsulot olinadi. 500 nafar mahalliy aholining bandligi taʼminlanadi. Yetishtirilgan mahsulotning 60 foizini eksportga chiqarish koʻzda tutilmoqda. Korxona kelajakda faoliyatini kengaytirish va eksport hajmini oshirishni rejalashtirgan. 

 

 

 

photo5229094521235679782.jpg

 

 

 

Prezidentimiz bu yerga yongʻoq koʻchati oʻtqazdi. 

 

 

 

Davlatimiz rahbari mahalliy tabiiy-iqlim sharoitlarga mos yongʻoqning serhosil plantatsiyalarini yaratish, hududlarda yongʻoq ishlab chiqarish hajmini koʻpaytirish, mahsulotni sotish bozorlarini kengaytirish, ishlab chiqilgan innovatsion texnologiyalarni yongʻoq yetishtirish jarayoniga joriy qilish, yongʻoq koʻchatlarini parvarish qilishga jalb etiladigan agronomlarni yongʻoq plantatsiyalarida agrotexnik tadbirlarni toʻgʻri oʻtkazish boʻyicha oʻqitish uchun maxsus tayyorlov kurslarini tashkil etish boʻyicha mutasaddilarga topshiriqlar berdi. 

 

 

 

Shu yerning oʻzida Qashqadaryo viloyati tumanlaridagi zaxira yer maydonlarida oʻrmon xoʻjaliklari tomonidan 2019-2020 yillarda pista, achchiq bodom, yongʻoq va chakanda (oblipexa) plantatsiyalarini tashkil etish hamda Qamashi davlat oʻrmon xoʻjaligida kurkachilikni rivojlantirish, mamlakatimizdagi oʻrmon xoʻjaliklari va fermer xoʻjaliklarida pista plantatsiyalari barpo qilish, qorakoʻlchilik, uzumchilikni rivojlantirish, “Nasaf agro impeks” MCHJ tomonidan Kitob tumanida zamonaviy intensiv bogʻ tashkil etish loyihalari taqdimoti oʻtkazildi. 

 

 

 

Davlatimiz rahbariga viloyatda baliqchilik, parrandachilik, chorvachilik sohasini rivojlantirish boʻyicha amalga oshiriladigan ishlar haqida maʼlumot berildi.

 

 

 

photo5229094521235679784.jpg

 

 

 

photo5231157355373243192.jpg

 

 

 

photo5229094521235679786.jpg

Zamonaviy issiqxonalarni yanada koʻpaytirish zarur Prezidentimiz Muborak tumanidagi masʼuliyati cheklangan jamiyati shaklidagi “Aziz agro trans fayz” zamonaviy issiqxonasi faoliyati bilan tanishdi.

Tadbirkor Qobiljon Gʻulomov 2016 yil “Muborak issiqlik elektr markazi” AJ atrofidagi tashlandiq hududdan 2 gektar yer olib issiqxona barpo etgan edi. Natija kutilganidan ham ziyod boʻldi. 2017 yil 4 gektar, 2018 yil yana 3 gektar yerda issiqxona qurdi.

Bu yil tadbirkor issiqxonada yetishtirilayotgan pomidor, bodring kabi mahsulotlarning asosiy qismini eksport qilib, 550 ming dollardan ortiq foyda qilishni rejalashtirgan.

Tabiiyki, choʻl hududda, oqar suvdan uzoqda moʻl hosil yetishtirish oson emas. Tadbirkor buning ham uddasidan chiqdi. Yaʼni yomgʻir mavsumida 800-1000 tonnalik suv toʻplanadigan hovuzlar qurdi. Toʻplangan suvdan ekinlar tomchilatib sugʻoriladi. Yana bir ahamiyatli tomoni “Muborak issiqlik elektr markazi” aksiyadorlik jamiyatida ishlab chiqarishda paydo boʻladigan issiqlik avvallari maxsus jarayonda sovitilardi. Ushbu issiq suv quvurlar orqali issiqxonaga tortib kelingan. U issiqxonadagi zarur havo haroratini taʼminlab beradi, sovigach yana issiqlik korxonasiga qaytariladi. Demak, bundan ikkala tomon ham manfaatdor. Ayni paytda issiqxonada 100 dan ortiq kishi mehnat qilmoqda. Kelgusi yilda issiqxona umumiy maydoni 10 gektarga yetkaziladi. Ish oʻrinlari soni yana koʻpayadi.

Umuman, tuman boʻyicha 60 tadbirkorga 300 gektar yer shu kabi issiqxona qurish uchun ajratilgan. Kelgusida issiqxonalar qurishni yanada kengaytirish koʻzda tutilgan. Bu yuzlab yangi ish oʻrinlari yaratish imkonini beradi.

Prezidentimiz zamonaviy issiqxona faoliyati bilan tanishdi, ishchilar bilan muloqot qildi.

Mamlakat iqtisodi rivoji, aholi farovonligini taʼminlashda muhim oʻrin tutadigan bunday issiqxonalar tarmogʻini yana-da kengaytirish lozimligi qayd etildi.

Shu yerda Qashqadaryo viloyatida 2019-2020 yillarda issiqxonalar tashkil etish, Chiroqchi tumanida lalmi maydonlarda poliz ekinlarini koʻpaytirish, viloyatda aholi tomorqalaridan foydalanishni yaxshilash kabi qator loyihalar taqdimoti oʻtkazildi.

a2f4d067-8b09-4bad-bd09-18257692f8a4.jpg

 

 

1014dfa3-a2e5-48e4-2289-4772123e2b8c.jpg

 

 

 

4130bb01-0e57-c986-81ff-7ed610603942.jpg

 

seshanba, 04 Dekabr 2018 00:00

Yangi yulduzlar maydoni

Avtor

Qarshi shahrida "Kamalak" yulduzlari" respublika bolalar ijodiyoti festivalining viloyat bosqichi bo'lib o'tdi.
O'zbekiston yoshlar ittifoqi viloyat kengashi, "Kamalak" bolalar tashkiloti va viloyat xalq ta'limi boshqarmasi hamkorligida tashkil etilgan ushbu tadbirda viloyatimizning barcha hududlaridan 6 yoshdan 14 yoshgacha bo'lgan 320 nafar bola yakka ishtirokchi va  jamoa tarzida mumtoz va milliy cholg'ular, qo'shiq, raqs, tasviriy va amaliy san'at, she'riyat va adabiyot yo'nalishlari bo'yicha o'z iste'dodlarini namoyish etdilar.
Mamlakatimizda yosh avlodning har tomonlama barkamol ulg'ayishi, iste'dod va salohiyatini namoyon etishiga sharoit yaratish maqsadida an'anaviy tarzda o'tkazib kelinayotgan festivalning joriy yilgi tuman (shahar) bosqichida 7480 nafar bola o'zlarini qiziqtirgan yo'nalishlar bo'yicha bellashdi. Saralash bosqichida ularning 320 nafari tengdoshlaridan ustun kelib, yakka ishtirokchi hamda 18 ta jamoa ko'rinishida viloyat bosqichiga yo'l oldi.
Festivalning viloyat bosqichi juda qiziqarli o'tdi.
- Ijodiy ishlarimda xalqimizning mingyillik boy madaniy merosini, Vatanim va uning ko'hna tarixini, tinchligimizni madh etishga intilaman, - deydi festival ishtirokchisi, Shahrisabz tumanidagi  43-bolalar musiqa va san'at maktabi o'quvchisi O'lmas Rustamov. - Ustozlarimdan o'rganganlarim bugun judayam asqatdi. Tadbir davomida tengdoshlarimiz bilan o'zaro fikr almashdik.   Festival biz uchun haqiqiy mahorat darsi bo'ldi.
Festival doirasida uyushtirilgan iqtidorli o'g'il-qizlarning tasviriy va amaliy san'at asarlari, xalq hunarmandligi buyumlari ko'rgazmasi va viloyatimizning yosh musiqachilari ishtirokidagi konsert dasturi barchaga manzur bo'ldi.
S.ALLAYoROVA

Qashqadaryogz.uz ma'lumotlari asosida

O'zbekiston Respublikasi Vazirlar Mahkamasining 2018 yil 27 noyabrdagi "Boshoqli don etishtirishni yanada rag'batlantirish bo'yicha qo'shimcha chora-tadbirlar to'g'risida"gi qarori bilan mamlakatimizda boshoqli don etishtirish bo'yicha amalga oshirilishi lozim bo'lgan tizimli ishlar belgilab berildi.
Bosh prokuratura huzuridagi Agrosanoat majmui va oziq-ovqat xavfsizligi ta'minlanishi ustidan nazorat qilish inspeksiyasi viloyat boshqarmasi bosh inspektori Sherzod Sarmanov ushbu qarordan kelib chiqadigan asosiy o'zgarishlar va belgilangan vazifalar haqida quyidagilarni gapirib berdi:
Xarid narxi 60 foizga oshirildi
- Keyingi yillarda davlat xaridi uchun sifatli don etishtirish va hosildorlikni oshirishga qaratilgan keng ko'lamli ishlar amalga oshirilmoqda. Ammo sohada yo'l qo'yilayotgan kamchiliklar ham talaygina. Xususan, erlarning sifatsiz tayyorlanishi, agrotexnika qoidalariga to'liq rioya qilinmayotgani, ayniqsa, ekish ishlarining kechiktirib yuborilishi, talab qilingan moddiy-texnika resurslari o'z vaqtida etkazib berilmasligi kabi qator omillar sabab g'alladan kutilgan hosil olinmayapti.
Shu bilan bir qatorda, yuqori natija qayd etgan fermerlarni shunga munosib tarzda rag'batlantirish yoki aksincha, past natija ko'rsatgan xo'jaliklarga nisbatan keskin choralar ko'rishni belgilovchi tartiblar ishlab chiqilmagan. Bu jihatlar ham boshoqli don ekinlari parvarishlovchi xo'jaliklar o'rtasida o'zaro raqobatni ta'minlash, ishga nisbatan mas'uliyatini oshirish imkonini bermaydi.
Vazirlar Mahkamasining ushbu qarorida mana shu kabi jihatlarga e'tibor qaratilib, don etishtiruvchi fermer xo'jaliklari uchun olingan hosilga munosib narx taklif etish, ularni qanday samaradorlikka erishganiga qarab ustama yoki chegirma qo'llash tartiblari belgilandi. Jumladan, 2019 yil hosili uchun bug'doyning har bir tonnasiga kafolatlangan davlat xaridining o'rtacha narxi 1 million 200 ming so'm miqdorida belgilandi. Ushbu narx joriy yilgiga nisbatan 60 foizga yuqoridir.
Albatta, etishtirilgan mahsulotga nisbatan yuqori narx taklif etilayotgani xo'jaliklarning moliyaviy barqarorligiga ijobiy ta'sir ko'rsatib, imkoniyatlarini yanada oshiradi.
Ko'p hosil olgan qimmat, kam hosil olgan arzon sotadi
- Endilikda davlat xaridi uchun etishtirilgan mahsulotlarni tabaqalashtirilgan narxlarda, ya'ni ustama va chegirmalar qo'llagan holda sotib olish tartibi joriy qilinadi. Boshqacha qilib aytganda, etishtirilgan boshoqli don ekini hosildorligiga qarab, davlat sotib oladigan mahsulot xarid narxiga 25 foizgacha ustama yoki chegirma qo'llaniladi.
Jumladan, sug'oriladigan maydonlarning har gektaridan olingan hosildorlikka qarab, barcha boshoqli don ekinlari bo'yicha don xarid narxiga quyidagi tarzda ustama yoki chegirma qo'llaniladi:
- 30 sentner va undan kam bo'lganida - 25 foiz chegirma;
- 31 sentnerdan 40 sentnergacha bo'lganida - 15 foiz chegirma;
- 41 sentnerdan 50 sentnergacha bo'lganida - 10 foiz ustama;
- 51 sentnerdan 60 sentnergacha bo'lganida - 20 foiz ustama;
- 61 sentner va undan yuqori bo'lganida - 25 foiz ustama qo'llaniladi.
Soliq ham hosildorlikka qarab hisoblanadi
- Qaror bilan amalga oshirilishi belgilangan muhim yangiliklardan yana biri - 2019 yildan e'tiboran O'zbekiston Respublikasi Davlat byudjeti parametrlariga sug'oriladigan erlarda   boshoqli don ekinlari etishtiruvchi fermer xo'jaliklari va boshqa qishloq xo'jaligi korxonalariga yagona er solig'ini hisoblashda soliq stavkalariga hosildorlikka qarab koeffisientlar qo'llash tartibi kiritilganidir.
Ya'ni, kelgusi yildan boshlab er solig'ini hisoblashda gektaridan o'rtacha 30 sentner va undan past hosil olinganda 2 barobar, hosildorlik 31 sentnerdan 40 sentnergacha bo'lganida esa 1,5 barobar ko'paytiruvchi koeffisientlar qo'llaniladi.
Bu albatta, g'alla etishtiruvchi xo'jaliklarni oltinga teng bo'lgan sug'oriladigan erlardan samarali foydalanish, mahsulot etishtirish hajmlarini ko'paytirish borasidagi mas'uliyatini oshirishga xizmat qiladi.
100 foizgacha imtiyozli kredit beriladi
- Qarorda xo'jaliklarni kreditlashni takomillashtirish ham nazarda tutilgan. Agar amaldagi tartibga ko'ra, imtiyozli kredit davlat xaridi uchun etkazib beriladigan don qiymatining 60 foizi miqdorigacha ajratib kelingan bo'lsa, yangi tartib asosida bu  100 foizni (tayyorlov korxonasi tomonidan bo'nak tariqasida etkazib berilgan urug'lik qiymatini inobatga olgan holda) tashkil etadi.
Ta'kidlab o'tish joizki, moliyalashtirish tizimidagi ushbu o'zgarish fermer xo'jaliklarining aylanma mablag'i taqchilligiga barham berish bilan birga, ular tomonidan resurs va xizmatlar uchun to'lovlarni oldindan amalga oshirish, agrotexnika tadbirlarini o'z vaqtida va sifatli o'tkazish, g'alla etishtirish hajmini ko'paytirish, pirovardida, yuqori daromad olishiga imkon beradi.
Favqulodda holatlarda fermer himoyaga olinadi
- Ma'lumki, oldindan bilish, oqilona choralar bilan oldini olish mumkin bo'lmagan favqulodda xususiyatga ega hodisalar (qurg'oqchilik, tabiat hodisalari va boshqa fors-major holatlar) oqibatida fermer qancha harakat qilmasin kutilgan hosilni etishtira olmasligi mumkin.
Endilikda fermer bunday vaziyatda Qishloq xo'jaligida iqtisodiy islohotlarni chuqurlashtirish bo'yicha hududiy komissiyaga murojaat etishi lozim. Agar holat komissiya tomonidan tasdiqlansa, davlat xaridi uchun etkazib berilgan don xarid narxida hisob-kitob qilinishi belgilandi. Ya'ni, fermer etishtirgan don qanchaligidan qat'iy nazar, bir xil - belgilangan davlat narxida xarid qilinadi.
Vaholanki, shu paytga qadar mahsulot etishtiruvchilar turli tabiiy ofatlardan etarli darajada himoyalanmagan edi.
Yaxshi ishlamagan fermer erni topshiradi
- Bilamizki, shu vaqtga qadar ayrim fermer xo'jaliklari ishni to'g'ri tashkil etmas, agrotexnik tadbirlarni o'z vaqtida bajarmas va buning natijasida erdan juda kam hosil olardi. Hatto, bir necha yillab davlatga don sotish bo'yicha tuzilgan shartnoma rejasini bajarmay kelayotgan xo'jaliklar bor.
Endilikda sug'oriladigan maydonlarning har gektaridan 40 sentnerdan kam hosil olish "erga nisbatan xiyonat" deb baholanadi. Bu er ijara shartnomasi bekor qilinishigacha bo'lgan choralar ko'rilishiga olib kelishi mumkin.
Ishlar tizimli nazoratga olinadi
- Qoraqalpog'iston Respublikasi va viloyatlarning tabiiy-iqlim sharoitlarini hisobga olgan holda, sug'oriladigan maydonlarda 2019 yil hosili uchun ekilgan kuzgi boshoqli don ekinlarini parvarishlash bo'yicha agrotexnika tadbirlarini amalga oshirish yuzasidan "yo'l xaritalari" ishlab chiqildi.
Boshoqli don etishtirishda agrotexnika tadbirlarini o'z vaqtida sifatli o'tkazish va kafolatlangan hosil olishni tizimli tashkil etish bo'yicha esa respublika Ishchi guruhlarining tarkibi tasdiqlandi. Ular zimmasiga "yo'l xaritalari"dan kelib chiqib, har bir fermer xo'jaligi tomonidan amalga oshiriladigan agrotexnika tadbirlari rejasini alohida yozma ravishda tayyorlab etkazish va uning ijrosini ta'minlash vazifasi yuklatildi.
Don etishtirish va o'rib-yig'ib olish bilan bog'liq agrotexnika yumushlarining o'z vaqtida va sifatli o'tkazilishi, moliyaviy va moddiy-texnika resurslarini to'liq hajmda va o'z vaqtida etkazib berilishi, yakuniy hisob-kitoblar 2019 yil 1 sentyabrga qadar to'liq amalga oshirilishi, mazkur yo'nalishdagi ishlar bo'yicha tizimli nazorat o'rnatilishi yuzasidan tegishli mutasaddilarning shaxsiy javobgarligi belgilab qo'yildi.
Xulosa o'rnida aytish joizki, ushbu qarorning izchil ijrosi, shak-shubhasiz, g'allachilikda er maydonlaridan samarali foydalanish va yuqori hosildorlikka erishish, fermer xo'jaliklari mas'ullari mas'uliyatini yanada oshirish hamda ularning moddiy manfaatdorligini oshirishda muhim ahamiyat kasb etadi.
Jahongir BOYMURODOV yozib oldi.
Qashqadaryogz.uz ma'lumotlari asosida


seshanba, 04 Dekabr 2018 00:00

Is gazi: avvalo o'zingni o'zing asra

Avtor

 So'nggi vaqtlarda is gazidan zaharlanish bilan bog'liq holatlar ko'p kuzatilmoqda. Ma'lumotlarga ko'ra, shu yilning yanvar-oktyabr oylari davomida mamlakatimizda is gazi bilan bog'liq 32 holat ro'yxatga olingan. Ular natijasida 53 nafar odam jabrlangan bo'lsa, 35 kishi vafot etgan. Afsuski, viloyatimizda ham bunday ko'ngilsiz holatlar ko'p kuzatilmoqda.
 Bir chelak cho'g' va ikki norasida
 Shu yilning 27 noyabr kuni kech soat 23:50 lar atrofida G'uzor tuman markaziy shifoxonasiga tumanning Chaqar mahallasida yashovchi oila farzandlari - uch yoshli N.M. hamda bir yoshli N.Sh.larni  og'ir ahvolda olib kelishadi. Tashxis: is gazidan zaharlanish.
 Surishtiruvlar natijasida ma'lum bo'ldiki, o'sha kuni tunda bolalarning onasi - S.M. uyni isitish maqsadida xona ichiga temir chelakka solingan cho'g' kiritib qo'yadi va o'zi yumush bilan tashqariga chiqib ketadi. Chelakka solingan cho'g'ning bir qismi yonib, pastki qismi yonmasdan dimiqishi natijasida undan zaharli is gazi tarqala boshlaydi. Natijada, oradan biroz vaqt o'tib xona isiydi, lekin yosh bolalarning tana harorati ko'tarilib, holsizlanib qoladi.
 Yaxshiyamki, oila kattalari voqeadan o'z vaqtida ogoh bo'lib, bolalarni shifonaga olib kelishgan va ko'rsatilgan tezkor yordam natijasida ularning ahvoli yaxshilangan. Aks holda, holat yanada achinarli bo'lishi mumkin edi.
 Mehmon hushyor bo'lmaganida...
 Is gazi bilan bog'liq yana bir hodisa Dehqonobod tumanida qayd etildi.
 Holat shuki, tumanning Beshqo'ton mahallasidagi xonadonlardan birida oila a'zolari xonani isitish maqsadida qo'lbola yasalgan o'tin pechiga mol tezagidan tayyorlangan quruq yoqilg'ini solib, uyquga yotishgan.
 Ko'p o'tmay chala yongan mol tezagidan is gazi ajralishi sababli uy ichi tutun bilan to'ladi va xonada bo'lgan barcha fuqarolar is gazidan zaharlanadi. Faqat shu kuni xonadonga mehmon bo'lib kelgan, 1990 yilda tug'ilgan J.S. tutun hidini sezib, uyg'onib ketadi va holatni anglab, darhol qolganlarni uyg'otadi. Ularni tashqariga olib chiqadi va tez yordam chaqiradi.
 Hodisa oqibatida shu kuni xonadonda bo'lgan 3 nafar kishi o'rta og'ir, yana uch nafari esa og'ir darajada is gazidan zaharlanib, shifoxonaga tushgan.
 Holsizlik sababi zaharlanish ekan
 Yakkabog' tumanida yashovchi fuqaro, 1978 yilda tug'ilgan R.M. to'satdan kechqurun o'zini noxush sezib, tongda hushidan ketib qolgan. Oila a'zolari tez tibbiy yordam xizmatiga qo'ng'iroq qilishgan. Xizmat xodimlari etib kelib, birinchi yordamni ko'rsatadi va bemorni tuman tibbiyot birlashmasiga olib boradi.
 Tekshirishlar natijasida R.M.ning o'tkir darajada is gazidan zaharlangani qayd etilgan. Ma'lum bo'lishicha, o'sha kuni tunda R.M. xonadonidagi qo'lbola temir pechga ko'mir yoqilg'isini yoqib, uxlagan. Ko'mirning chala yonishi natijasida undan is gazi ajrala boshlagan va uy ichida bo'lgan R.M. buni payqamagan. U sog'lig'i yomonlashib, o'zini noxush sezib tong ottirgan va hushidan ketgan.
 Chala yongan gaz
 Qarshi tumani Mevazor mahallasida yashovchi, 1979 yilda tug'ilgan E.M. hamda 2001 yilda tug'ilgan E.Sh.lar kunduz kuni uydagi tabiiy gazga ulangan plitaning duxovkasini yoqib qo'yib, xonada o'tirgan.
  Tabiiy gazning chala yonishi natijasida undan is gazi ajralib chiqib, ushbu fuqarolar zaharlangan. Ular o'zlarida behollik, qattiq bosh og'rig'i, ko'ngil aynishi kabi holatlarni sezib, darhol tez tibbiy yordam xizmatini chaqirishgan va shifoxonada davolanib, sog'lig'i yaxshilangan.
 Asosiysi ogoh bo'lish kerak
 Xullas, yuqoridagi kabi misollarni yana ko'plab keltirish mumkin. Aytish joizki, ayniqsa, sovuq kunlar boshlandi deguncha aholi uyni isitish maqsadida tabiiy gaz, ko'mir, o'tin yoki boshqa yoqilg'i turlaridan foydalanadi.
 Ammo bu borada ehtiyotsizlikka yo'l qo'yish, yong'in xavfsizligi talablariga amal qilmaslik, qo'lbola isitish moslamalaridan foydalanish natijasida is gazidan zaharlanish holatlari kelib chiqmoqda.
 Shu bois, aholi tabiiy va is gazidan zaharlanishining oldini olish tadbirlari nafaqat mutasaddi tashkilot, idoralar hamda xizmatlar tomonidan, balki har bir xonadon egalari va barcha fuqarolar tomonidan amalga oshirilishi darkor. Toki, is gazi hech birimizning osoyishta hayotimizga og'u solmasin.
 Is gazi bu - iste'molchilar foydalanayotgan tabiiy gaz, ko'mir va boshqa organik moddalarning chala yonishidan hosil bo'ladigan birikmadir.  U inson nafas yo'llari va a'zolariga kuchli ta'sir qiladi. Organizmni, xususan, markaziy asab tizimini zararlaydi.
 Zaharlanish uning havodagi konsentrasiyasi va ta'sir muddatiga bog'liq. YEngil, o'rta va og'ir darajada bo'ladi. Bunday hollarda bosh qattiq og'riydi, aylanadi. Qusish, hushdan ketish holatlari kuzatiladi hamda nafas olish sekinlashadi. Ba'zan o'limga olib keladi.
 Farhod MIRZAYEV,
 viloyat IIB YoXB boshlig'i, polkovnik
 
qashqadaryogz.uz ma'lumotlari asosida

seshanba, 04 Dekabr 2018 00:00

"Bizga Nasafiyning "hassa"si zarur..."

Avtor

Bugun dunyoda 14 ta asosiy urush o'chog'i bo'lsa, shuning 13 tasi musulmonlar istiqomat qiladigan davlatlardadir. Ayni paytda jahonning ko'plab olovli nuqtalarida muqaddas islom dinini niqob qilgan qora kuchlar insoniyat tinchini buzayapti.
Biz mana shunday johillarga qarshi ma'rifat bilan kurasha olishimiz, islomning yaratuvchanlik kuchi mohiyatini tushunib etishimiz uchun ham Imom Buxoriy, Marg'inoniy, Moturidiy, Abu-l-Muin Nasafiy singari allomalarimiz ilmiy merosini anglashimiz kerak.
Viloyat hokimligida buyuk mutakallim, Abu Mansur Moturidiy asos solgan moturidiya aqidaviy mazhabining allomasi Abu-l-Muin Nasafiyning ibratli hayoti va ilmiy merosiga bag'ishlangan "Ilmu ziyosi ko'zlarga to'tiyo bo'lgan alloma" nomli ilmiy-amaliy konferensiyada  bu xususda batafsil so'z yuritildi.
Respublika  Ma'naviyat va ma'rifat markazi, viloyat hokimligi, Qarshi muhandislik-iqtisodiyot instituti hamkorligida tashkil etilgan anjumanda Ma'naviyat va ma'rifat markazining Qoraqalpog'iston Respublikasi, barcha viloyatlar, Toshkent shahri bo'limlari rahbarlari, olimlar, tadqiqotchilar, OAV va yoshlar vakillari ishtirok etishdi.
Tadbirda ma'ruza qilgan  respublika Ma'naviyat va ma'rifat markazi rahbari, Oliy Majlis deputati Alisher Qodirov, mazkur markaz rahbarining birinchi o'rinbosari, pedagogika fanlari doktori, professor Muhammadjon Quronov, markaz bo'lim boshlig'i Irgash Daminov,  Vazirlar Mahkamasi huzuridagi Din ishlari bo'yicha qo'mita raisining birinchi o'rinbosari Muzaffar Komilov, filologiya fanlari doktori Nafas Shodmonov va boshqalar buyuk vatandoshimiz Abu-l-Muin Nasafiy ilmiy merosining benazir ahamiyatini ilmiy  ma'lumotlar asosida tahlil qilishdi.
Anjumanda qayd etilganidek, islom olamida "Sayfu-l-haq" ("Haqiqat qilichi") degan nom olgan ulug' alloma yozgan 15 asarning faqat uchtasi bizgacha etib kelgan. Mazkur asarlar - "Tabsiratu-l-adilla", "Bahru-l-kalom" va "At-tamhid li qavoidi-t-tavhid" mutaxassis olimlarimiz tomonidan tarjima qilinib, nashr etildi. Bugungi kunda dunyoning ko'plab davlatlari, xususan, Misrning mashhur Al-Azhar universitetida bu asarlardan darslik sifatida foydalaniladi.
Alloma asarlari ekstremistik g'oyalarga raddiya hisoblanadi. Ha, Nasafiy bobomiz bundan ming yil avval jaholatga qarshi ma'rifat bilan kurashgan.
- Nasafiy kimniki? Eng avvalo uni anglaganniki, - deydi professor Muhammadjon Quronov. - Mohiyatan, biz uni anglay olsakkina o'zimizniki, deb ayta olamiz. Bugun shunday dolg'ali zamonda bizga ramziy ma'noda Nasafiy bobomizning "hassa"si juda zarur bo'layapti. Birinchidan - ma'rifat istaganlarga va yo'ldan adashganlarga to'g'ri yo'lni ko'rsatish, ikkinchidan - dinimiz dushmanlari "boshiga urish" uchun... Bugun rasmiy gaplarning davri o'tdi. O'zini ziyoliman, deb sanagan har bir kishi Nasafiydan kamida uch hikmatni yoddan bilishi zarur. Va uni odamlar o'rtasida targ'ib qilishi, mavridi kelmasa, mavridini yasab, avtobusdami, yo'ldami, davradami - aytishi zarur. O'quvchilar, talabalar orasida nasafiyxonlik tadbirlari, TV, radio va matbuotda "Nasafiydan o'qib, bildim" singari ruknlarda ma'rifiy ko'rsatuv, eshittirish va maqolalar berilishi maqsadga muvofiqdir.
- Iymonning belgisini uch xil deydilar: til bilan, dil bilan va amal bilan, - deydi Irgash Daminov. - Moturidiy va Nasafiy bobolarimiz qalb bilan tasdiq iymonning o'zi, deb aytadilar. Ammo ayrim yo'nalish vakillari amal ham shart, deydilar. Va bu qarash ko'pgina davlatlarda qonli nizolarga sabab bo'layapti. To'g'ri gapni keskirlik bilan aytishni Nasafiy bobomizdan o'rganishimiz kerak. Masalan, "Kambag'allik kufrga yaqin turadi", degan hadis bor. Nasafiy buni shunday izohlaydi: "Ilmdagi qashshoqlik kufrga yaqindir". Darhaqiqat, johil odam ilmdan uzoq, kufrga yaqin bo'lishiga bugun barchamiz guvoh bo'lib turibmiz.
Anjumanda alloma hayoti va ilmiy merosiga bag'ishlangan "Haqiqat qilichi" hujjatli filmi ilk bor  namoyish etildi. Anjuman ishtirokchilari Abu-l-Muin Nasafiy maqbarasini ziyorat qilishdi.
Konferensiya materiallari poytaxtimizdagi "Muharrir" nashriyotida chop etilgan. Undan shvesiyalik va qozog'istonlik olimlarning mavzuga doir ilmiy maqolalari ham o'rin olgan.
Nuriddin EGAMOV
Qashqadaryogz.uz ma'lumotlari asosida


Joriy yilning 21-28 noyabr kunlari Farg'ona viloyatida 2003-2004 yillarda tug'ilgan yosh sportchilar o'rtasida boks bo'yicha O'zbekiston kubogi musobaqasi bo'lib o'tdi.

Mazkur musobaqada viloyatimizdan ham 12 nafar yosh bokschi munosib ishtirok etib, sovrinli o'rinlarga da'vogarlik qilishdi.
Jumladan, 60 kilogramm vazn toifasi bahslarida ishtirok etgan Azizbek Tojiev barcha raqiblarini ishonchli tarzda mag'lub etib, shohsupaga ko'tarilgan bo'lsa, yana bir yosh bokschimiz Azizbek Samadov 70 kilogramm vazn toifasida kechgan bahslarda raqiblari ustidan yaqqol ustunlikka erishib, birinchi o'rinni egalladi.
Har ikkala bokschi Qarshi ixtisoslashtirilgan olimpiya zaxiralari maktab-internatining boks bo'limi o'quvchilari.
- Bu mening ikkinchi bor qo'lga kiritgan ishonchli yutug'im bo'ldi, - deydi Azizbek Samadov. - O'tgan yili Termiz shahrida o'tkazilgan kubok bahslarida ham ishtirok etib, 66 kilogramm vaznlilar orasida g'olib bo'lgan edim. Bu galgi musobaqa davomida 5 nafar raqibimni tezkor hujumda ushlab turib, natijada mag'lub qilishga erishdim. Keyingi musobaqalarda ham ana shunday yutuqni takrorlash uchun harakat qilaman.
  Ahamiyatlisi, har ikkala yosh bokschimiz respublika terma jamoasi a'zosi sifatida  Osiyo chempionatiga yo'llanmani ham naqd qilib qo'ydi.
Dilfuza JUMAYEVA
Qashqadaryogz.uz ma'lumotlari asosida


seshanba, 04 Dekabr 2018 00:00

BIROR KIShIDAN TA'MA YoKI HADYa OLMADIM

Avtor

Sulton Mir Haydar ota:
Topganlarimni elga, etim-esirga berdim, ilm yo'liga sarf ayladim..."
Ma'lumki, ayni paytda viloyatimizda 1 ming 321 ta madaniy meros ob'ekti bor. Kasbi tumani Kasbi qishlog'idagi Sulton Mir Haydar yodgorlik majmuasi ana shunday qadimiy maskanlardan biri.
Majmuada Sulton Mir Haydar hamda Said Mir Mo'min Samarqandiy maqbarasi, chillaxona, ayvon, minora, qishki va yozgi masjidlar hamda 2 ta sardoba bor. Bu erdagi Temuriylar davriga xos, mohir sangtaroshlar tomonidan ishlov berilgan va mashhur xattotlarning jimjimador yozuvlari chekilgan, bo'yi 1 metr, eni 89 santimetr, sandiqqa o'xshash kulrang marmar qabrtoshi mutaxassislarni qiziqtirib kelgan. Qabrtoshning qimmatli ekanidan ushbu qabrning nufuzli odamga tegishli ekanini bilish qiyinmas. Asrlar davomida xoki-poyi ziyorat qilinib kelinayotgan zot, ulug' avliyo Sulton Mir Haydar ota bo'lib, asl ismi Xoja Shamsiddin ibn Shayx Jamoliddindir.
Haqiqat ilmini aytguvchi
Akmal Saidovning "Amir Temur va Sulton Mirhaydar ota" risolasida yozilishicha, Sulton Mirhaydar otaga atab tarixda uchta qabrtosh qo'yilgan ekan.
Birinchi qabrtoshni Amir Temur qo'ydirgan. Me'moriy majmuaning shimol tarafdagi qabr toshiga Qur'oni karimdagi “Oli Imron” surasining    18-oyati va quyidagi ta'riflar hamda shajara arab tilida bayon etilgan. Uning tarjimasi quyidagicha:
 "Bu qabr ulug', faxrli imom, shayx, Allohga ibodat qiluvchi, va'z mulkining sultoni, nozik ilmlarni echuvchi, haqiqat ilmini aytuvchi, notiq, ulug' zot, fiqh ilmining olimi, insonlarni hidoyatga boshlovchi, o'ta taqvodor, ahli sunna val-jamoa imomlaridan, dunyoga mashhur olim, shayxlar qutbi, avliyolar faxri, ulug' hoji, er yuzidagi eng saodatmand insonlardan biriga mansub. Payg'ambarimiz (s.a.v.)ning qizlari Bibi Fotima va kuyovlari Hazrat Ali (r.a.) avlodidan bo'lgan Sulton Mir Haydarning shajaralari quyidagicha: Amir Shamsiddin Haydar amirul kabirul karim ibn Jamoliddin ibn Shamsiddin amirul-kabir Haydar al-Husayn Nasafiy ibn amir Ahmad ibn Said amir Husayn ibn amir Abdulloh ibn amir Ja'far ibn Ibrohim Murtazo ibn amir Muso al-Qozim ibn amir Imom Ja'far Sodiq ibn Imom Boqir Imom Zaynul Obid Imom Husayn Hazrati Ali Murtazo raziallohu taolo (ramazon oyi, sana 766 hijriy)".
Qabr toshidagi bitiklarning o'ziyoq Amir Temur Sulton Mirhaydar otaga nisbatan qanday munosabatda bo'lganini va uni qanday ulug'laganini ko'rsatib turibdi.
Hakim otaning bashorati
"Manoqibi al xosa al xoja Mir Haydar Sulton" kitobida yozilishicha, Xoja Shamsiddinning dunyoga kelishi Hakim ota tomonidan bashorat qilingan. Ya'ni Sulaymon Boqirg'oniy Shayx Jamoliddin xonadonida avliyo dunyoga kelishini ul zotning amakisi Hazrat Sayyid Muhammad Abdullohga aytgan.
Sulton Mir Haydar ota 1275 yilda Xurosonning Qoyim shahrida dunyoga kelgan. Oilada to'rtinchi farzand bo'lgan. Otasi Shayx Jamoliddin madrasada talabalarga dars bergan. Shu bois Mir Haydarni asosan amakisi Sayyid Muhammad Abdulloh tarbiya qilgan. 4 yoshida madrasaga borib, besh yoshida alifbo va yozuvni o'rgangan, 6-7 yoshligida hadisni yod olib, qorilarga shogird tushgan. U Shayx Jaloliddin Ko'hakiy, Abdullo Zamaxshariy, ustoz Olovuddovla va Shayx Xurosoniydan Qur'on, hadis, fiqh, masala, ijmo, qiroat ilmi va tavjid qoidasini o'rganadi. To'qqiz yoshligida Qur'oni karimni etti xil qiroat qiladigan darajaga etgan. O'n yoshida amakisi bilan hajga borgan. U erdagi madrasada Makkai mukarrama amirining o'g'li Ramziddin bilan do'stlashadi. Naql qilishlaricha, Xoja Shamsiddin duo bilan Ramziddinning dardiga shifo topilishiga sababchi bo'lib, amirning nazariga tushgan. Bundan xursand bo'lgan Makka amiri o'g'li va Sulton Mir Haydarni tahsil olish uchun Misrga jo'natadi. Makkaga qaytgandan so'ng, amir saroyida etuk shayxlar tomonidan imtihondan o'tkaziladi. Sinovdan muvaffaqiyatli o'tgan Xoja Shamsiddin 14 yoshida Makka va Madinaga imom hamda ikki Haram toliblariga ustoz deb e'lon qilinadi.
Tushda buyurilgan amal
Balog'atga etganida shariat, tariqat, ma'rifat, haqiqatdan amru-ma'ruf qilib, o'z ilmi bilan etuk olim sifatida tanilgan. Hattoki, Misr madrasa ahli, Bag'dod va Istambul toliblari echa olmagan savollarga ahli sunna val-jamoa va Imom Buxoriy hadislaridan javob topib bergani yoziladi. Bu esa uning "Valiulloh Mir Haydar" deb ulug'lanishiga sabab bo'ladi. Maqomatlarda qayd etilganidek, "Ul azizning maqsadi oxir zamon payg'ambari (s.a.v.)ning sunnat va yo'llarini hamda islom dinini elga etkazib, shogirdlariga ustozlik qilib, ilm daryosidan bir qatra bo'lsa ham o'rgatib, o'zlaridan ibratli iz qoldirish edi". Albatta Sulton Mir Haydar o'z maqsadi yo'lida qat'iy harakat qildi.
Maqomatda yozilishicha, Xoja Shamsiddin yigirma to'qqiz yoshida tush ko'radi. Tushida Hazrat Ali (r.a.), Ahmad Yassaviy, Hakim Ota va Oyxoja Valiy unga Xorazmga borib, ilm ahli hamda islom himoyachisi bo'lishni buyurishadi. Ya'ni bu bilan Xoja Shamsiddinning tariqatda pirlik darajasiga va sulton maqomiga etganligi haqida aziz-avliyolar g'oyibdan xabar berishgani ma'lum bo'ladi. Shunga ko'ra, o'ttiz yoshida Balxdan Qunduzga, so'ng Chorjo'yga kelgan. Hubbi Xoja, Hasan Xoja va Polvoni Ahmad uni kutib olib, Urganchga Hakim ota marqadiga olib borishgan. Xoja Shamsiddin marqadda qirq kun  xatmi Qur'on bilan mashg'ul bo'lgan. O'ttiz ikki yoshida esa Qarshi cho'lining Kasbi qo'rg'oniga kelgan.
"Adab yo'lida sizga ibrat bo'ldim"
Sulton Mir Haydar ota 1366 yilda 92 yoshida vafot etgan. U qazo qilish oldidan so'fiylik hirqasi va hassasini Abu Turob Naxshabiyga topshiradi va deydi: "Bu tariqat Ahmad Yassaviydan Hakim otaga, so'ngra Zangiotaga va keyin menga tegdi. Men ham ularning o'git va hikmatlariga amal qilib, yo'lini bekamu ko'st oxiriga etkazdim, hech bir o'zgarishsiz o'rgatdim, kishining ushoq nonini emadim, mehnatim ortidan o'z nonimni topdim. Alloh suvidan va rizqidan rizqlandim. Biror kishidan ta'ma yoki hadya olmadim. Topganlarimni elga, etim-esirga berdim, ilm yo'liga sarf ayladim. Allohdan boshqaga sig'inmadim, bosh egmadim, shariat olimlari ilmini kamoliga etkazdim. Muhammad alayhissalom yo'lidan chetga chiqmadim. Adab yo'lida sizga ibrat bo'ldim". Mir Haydar ota bu vasiyati bilan shogirdlarini uning yo'lini davom ettirishga da'vat etgan.
Bu ulug' zot haqidagi ba'zi rivoyatlarda yozilishicha, u Fuzorda yashagan,    uni o'zlariga amir etib saylagan janda kiyimli darveshlar Kasbiga tobut ko'tarib kelib, Mir Haydar ota jasadini olib ketgan va Mirijanda qadamjosiga dafn qilgan. Yana Ahmad Xorazmiy ham Sulton Mir Haydar ota xokini Xorazmga olib borib, Hakim Ota marqadiga dafn etgan. Biroq bu ulug' zotning avlodlari har gal mayitni Kasbiga qaytarib kelishgan. Shunday qilib, boshqa avliyolar singari uch erda Sulton Mir Haydar ota maqbarasi paydo bo'lgan.
Ulug' avliyo Sulton Mir Haydar ota maqbarasiga bugun mahalliy va xorijlik sayyohlar ko'p borishadi. Shunga monand tarixiy yodgorlik atrofi obodonlashtirilgan.
Manbalar asosida S.ALLAYoROVA tayyorladi.
Qashqadaryogz.uz ma'lumotlari asosida

Qarshining “Sevinch” jamoasi o'n etti marta o'tkazilgan O'zbekiston Kubogi musobaqasining o'ninchi bor sohibi bo'ldi

Kecha Olmaliqning AGMK stadionida ayollar futboli bo'yicha O'zbekiston Kubogining final uchrashuvi o'tkazildi. Unda kubok o'yinlarida o'n to'rtinchi marotaba maydonga tushgan “Sevinch” jamoasi ilk bor finalda qatnashayotgan Jizzaxning “So'g'diyona” jamoasiga qarshi kurash olib bordi.

Mamlakatimizda ayollar futboli bo'yicha tajribali sanalgan Edita Mirobidova boshchiligidagi hakamlar guruhi boshqargan o'yinda Vladislav Xan ustozligidagi “Sevinch” jamoasi maydonda tashabbusni to'la o'z qo'liga olgan holda, raqiblarini yirik hisobda mag'lubiyatga uchratishning uddasidan chiqishdi. To'plarga Shahnoza Qurbonova hamda mamlakat chempionati to'purari Nilufar Qudratova (ikki bor) mualliflik qilishdi.

G'olib jamoaga bosh sovrin hamda esdalik sovg'alarini O'zPFL bosh direktori o'rinbosari Dilshodbek Hayitmetov va Sport bo'limi etakchi mutaxassisi Alisher Fayzievlar topshirishdi.

“SYEVINCh” - “SO'G'DIYoNA” - 3:0



Hakamlar: Edita Mirobidova, Xayriniso Erkinova, Aleksandra Konchikova, Anna Sidorova.

“Sevinch”: Laylo Tilavova, Feruza Boboxo'jaeva (Shodiya Tosheva, 63), Oliya Ahmedova, Maftuna Shoyimova, Gulzoda Amirova, Shahnoza Qurbonova, Tanzilya Zarbieva, Maftuna Panjieva, Laylo Shodieva, Malika Burhonova, Nilufar Qudratova.

“So'g'diyona”: Mohinur Husanova, Lidiya Sema, Nasiba Xojieva, Aziza Norova, Mahfuza Turopova (Zebiniso Halimova, 78), Sitora Taqaboeva (Dinara Payziqulova, 85), Aziza Norboeva (Dilafruz Toshpo'latova, 89), YEkaterina Salnikova, Nafisa Nabiqulova, Shahlo Qodirova, Albina Boboqulova (Mahliyo Nazarqulova, 80).

Gollar: Shahnoza Qurbonova (37), Nilufar Qudratova (43, 58).

Ogohlantirishlar: Mahfuza Turopova (69), Aziza Norova (80).

Nazoratchi: Valentin Shashkov.

Komissar: Alisher Fayziev.

Ikki og'iz Kubok haqida. 2002 yildan buyon muntazam ravishda o'tkazilib kelinayotgan Kubok o'yinlarida bosh sovrinni eng ko'p aynan “Sevinch” jamoasi qo'lga kiritgan. Agar, dastlabki uch mavsumda Kubok faqat “Andijanka” jamoasiga nasib etgan bo'lsa, Vladislav Xan shogirdlari avvaliga ketma-ket to'rt marotaba g'olib bo'ldi, orada (2009 yil) Miron Kim ustozligidagi “Andijanka” jamoasi bir bor “ko'rinish” berdi-yu, bunisi hozircha oxirgisi bo'lib turibdi. “Sevinch” yana ketma-ket to'rt bora muvaffaqiyat qozongach, keyingi yillarda unga jiddiy raqobatchi paydo bo'ldi – “Metallurg”. 2014 yildan buyon bosh sovrin goh “Sevinch”ga o'tdi, gohida “Metallurg”ga. Bu orada bekobodliklar ham uch bor Kubok sohibi sifatida a G'o'bekiston ayollar futboli tarixiga muhrlandi.



Biroq bu yilgi bahslarda “Sevinch” “Metallurg”ning yurishini yarim finaldayoq to'xtatdi va finalga yo'llanma oldi. Hal qiluvchi bahsda esa qarshiliklarga ilk bor bunday sharafga sazovor bo'layotgan “So'g'diyona” jamoasi ro'baro' keldi. O'yinning qanday tugaganidan esa xabaringiz bor.

Superkubok haqida

Ayollar o'rtasida Superkubok o'yinlari 2015 yildan o'tkazilmoqda. Dastlab uchrashuvlar uy va safar o'yinlaridan iborat bo'lgandi. Kelasi yildan esa bitta qilib belgilandi. Shu kungacha Superkubok mamlakatimizning ikki jamoasiga teng taqsimlangan - “Sevinch” (2015, 2017 y.) hamda “Metallurg” (2016, 2018 y.).

Ayollar o'rtasida O'zbekiston Kubogi sohiblari:

2002 yil – “Andijanka” (Andijon)
2003 yil – “Andijanka” (Andijon)
2004 yil – “Andijanka” (Andijon)
2005 yil – “Sevinch” (Qarshi)
2006 yil – “Sevinch” (Qarshi)
2007 yil – “Sevinch” (Qarshi)
2008 yil – “Sevinch” (Qarshi)
2009 yil – “Andijanka” (Andijon)
2010 yil – “Sevinch” (Qarshi)
2011 yil – “Sevinch” (Qarshi)
2012 yil – “Sevinch” (Qarshi)
2013 yil – “Sevinch” (Qarshi)
2014 yil – “Metallurg W” (Bekobod)
2015 yil – “Metallurg W” (Bekobod)
2016 yil – “Sevinch” (Qarshi)
2017 yil – “Metallurg W” (Bekobod)
2018 yil – “Sevinch” (Qarshi)

O'zA


Page 1 of 31

Bazaviy interaktiv xizmatlar

Manzilimiz


Manzil: Qashqadaryo viloyati, Qarshi shahri, Mustaqillik Maydoni,1
Pochta indeksi:180100
Telefon
: 0(375)221-12-88, 0(375)221-03-81
Faks
: 0(375)221-13-40
Veb-sayt
http://www.qashqadaryo.uz
Elektron pochta
Yaqin jamoat transport to`xtash joylari 
Milliy bank va Mustaqillik Maydoni bekati
Avtomashrut
1,4,5,7,10,18,20,22,23,27,
37,44,462,11,21,37,33

Hozir saytimizda

Bizning saytimizda 214 mehmonlar va ro'yhatdan o'tgan foydalanuvchilar 0

Foydali resurslar

O‘zbekiston Respublikasi Prezidentining Matbuot xizmati
www.press-service.uz
   
O‘zbekiston Respublikasi Oliy Majlisining Senati
www.senat.uz
   
O‘zbekiston Respublikasi Oliy Majlisining Qonunchilik palatasi
www.parliament.gov.uz
   
O‘zbekiston Respublikasining Hukumat portali
www.gov.uz
   
O‘zbekiston Respublikasi Oliy Majlisining Inson huquqlari bo‘yicha vakili (ombudsman)
www.ombudsman.uz
   
O‘zbekiston Respublikasi Bosh prokuraturasi
www.prokuratura.uz
   
 
Aloqa, axborotlashtirish va telekommunikatsiya texnologiyalari sohasida nazorat bo'yicha davlat inspeksiyasi
http://gis.uz/

 

Mobil ilovalar

Maxsus imkoniyatlar

K'orinish

Pastda o'zingizga kerakli parametrni tanlasng
Blue Green Red Radian
Select menu
Google Font
Body Font-size
Body Font-family
Reset