wrapper

Payshanba, 13 Dekabr 2018 00:00

Shoʻrtanda dunyodagi noyob zavod barpo etilmoqda

Avtor

 

 

Shoʻrtanda dunyodagi noyob zavod barpo etilmoqda

 
Gʻuzor tumanidagi ushbu hudud yaqin-yaqingacha quruq dasht edi. Bu yerda qurilishi moʻljallagan zavod loyihasi toʻxtab qolgan, uni boshlashga hech kim jurʼat qilolmayotgandi. 
 

 

photo5229094521235679741.jpg
 

 

Shavkat Mirziyoyev davlatimiz rahbari boʻlgach, bu loyihaga oid barcha masalalarni hal qilib berdi. Prezidentimizning 2016 yil 29 dekabrdagi qarorida “Shoʻrtan gaz-kimyo majmuasining tozalangan metani negizida sintetik suyuq yoqilgʻi ishlab chiqarishni tashkil etish” investitsion loyihasi buyicha qoʻshimcha chora-tadbirlar belgilandi. 

 

 

 

Mamlakatimiz rahbari 2017 yil fevral oyida Qashqadaryo viloyatiga tashrifi chogʻida mazkur zavodning qurilish maydoniga kelib, uning moliyalashtirilishi, xorijiy texnologiyalar bilan jihozlanishi, quruvchilar va kadrlar taʼminoti kabi barcha masalalarni chuqur tahlil qilgan edi. 

 

 

 

Prezident Shavkat Mirziyoyev 2018 yil 13 dekabr kuni bu yerga yana bir bor tashrif buyurdi. Faqat bu gal manzara umuman boshqacha. 135 gektardan ziyod maydonda qurilish ishlari qizgʻin. Temir-beton poydevorlar qoʻyilib, estakadalar koʻtarilgan. Ulkan avtokranlar oʻrnatilib, murakkab uskunalarni yigʻish boshlab yuborilgan. 

 

 

 

Zavod dunyodagi yetakchi litsenziar kompaniyalar – “Sasol” (JAR), “Xaldor Topse” (Daniya) va “Shevron” (AQSH) texnologiyasi asosida barpo etilmoqda. Qurilish ishlari bosh pudratchi – Koreya Respublikasining “Hyundai Engineering Co. Ltd.” va “Hyundai Engineering and Construction Co., Ltd”, Singapurning “Enter Engineering Pte. Ltd.” kompaniyalari tomonidan olib borilmoqda. Quruvchi va payvandchilarning koʻpchiligi mahalliy yoshlardir.

 

 

 

Majmua uchun zarur 11 mingdan ortiq texnologik uskunalar Yaponiya, Janubiy Koreya, Singapur, AQSH, Germaniya, Italiya, Xitoy, Rossiya kabi 21 ta davlatdagi 126 ta zavodda tayyorlanmoqda. 

 

 

 

Bunday ish hajmi bejiz emas. Tabiiy gazdan sintetik suyuq yoqilgʻi (GTL) olish juda noyob jarayon boʻlib, yuqori texnologiyalar va murakkab ilmiy yechimlarni talab etadi. Hozirda dunyoda bunday zavodlar atigi beshta, oʻzimizning Shoʻrtandagisi oltinchisi boʻladi. 

 

 

 

Mazkur ulkan loyihaning umumiy qiymati 3,6 milliard AQSH dollari. Uning amalga oshirilishi natijasida yiliga 3,6 milliard kub metr gaz chuqur qayta ishlanib, YEVRO-5 standartlariga javob beradigan 1,5 million tonna sintetik suyuq yoqilgʻi ishlab chiqariladi. Bular 311 ming tonna aviakerosin, 743 ming tonna dizel yonilgʻisi, 431 ming tonna nafta, 53 ming tonna suyultirilgan gazdir. 

 

 

 

Zavodning asosiy ahamiyati mana shunda. Yaʼni, tabiiy gaz shunchaki xomashyo sifatida emas, qoʻshimcha qiymatli mahsulot sifatida sotiladi. 

 

 

 

Masalan, 1000 kub metr tabiiy gaz eksport narxi hozirgi kunda 155 dollar atrofida boʻlsa, boʻlgʻusi zavodda shuncha gazni qayta ishlash orqali 300 dollarlik mahsulot ishlab chiqariladi. Foyda ikki barobar ortadi. 

 

 

 

Yiliga hisoblaganda, tabiiy gazdan koʻra tayyor GTL mahsulotlaridan koʻriladigan qoʻshimcha daromad 576 million dollardan oshadi. 

 

 

 

Yana bir muhim jihati – zavod mahsulotlari hozirda chetdan import qilanayotgan xomashyolar oʻrnini qoplaydi. Buning evaziga yiliga neft sotib olishga ketadigan 1 milliard dollardan ortiq valyuta mablagʻlari iqtisod qilinadi.

 

 

 

Prezident Shavkat Mirziyoyev majmua qurilishini koʻzdan kechirdi. Pudratchi va investorlar bilan suhbatlashdi. Bu haqda Oʻzbekiston Respublikasi Prezidenti Matbuot xizmati maʼlum qildi.

 

 

 

– Biz har tomonlama mulohaza qilib, sintetik yoqilgʻi ishlab chiqaradigan, 1 milliard dollar import oʻrnini toʻldiradigan tarixiy loyiha qildik. Bu Oʻzbekiston iqtisodiyotini barqaror qilish uchun katta salohiyatga ega. Shu paytgacha tarmoqda bunday nomenklatura yoʻq edi. Bu yerda yoqilgʻi ishlab chiqarib, benzin tannarxini tushirsak, odamlarimiz shuni sezadi, - dedi Shavkat Mirziyoyev. 

 

 

 

Davlatimiz rahbari mutaxassislar, texnika va resurslardan maksimal foydalanib, qurilish-montaj jarayonlarini oqilona muvofiqlashtirib, zavodni ishga tushirishni tezlashtirish, mahsulot ishlab chiqarishni bir kun boʻlsayam ertaroq yoʻlga qoʻyish zarurligini taʼkidladi. Zavodni foydalanishga topshirish muddatini qisqartirish boʻyicha takliflar ishlab chiqish boʻyicha topshiriq berdi. 

 

 

 

Ushbu zavod Shoʻrtan gaz-kimyo majmuasining yonida joylashgani umumlashgan infratuzilma obyektlaridan foydalanishda qulaylik yaratadi. Bu yerda yana bir loyiha – Shoʻrtan gaz-kimyo majmuasining quvvatini 125 ming tonnadan 505 ming tonnagacha oshirish loyihasi rejalashtirilgan.

 

 

 

Unda GTL zavodidan chiqadigan naftani qayta ishlab, yangi turdagi polietilen va polipropilen mahsulotlari ishlab chiqarish koʻzda tutilgan. 

 

 

 

Bu ishlar natijasida hudud texnologik klasterga aylanib, kelgusida kimyo, avtomobilsozlik, turizm, farmatsevtika, toʻqimachilik va boshqa sohalarni yanada rivojlantirishga asos boʻladi.

 

 

 

photo5229094521235679742.jpg

 

 

 

photo5229094521235679743.jpg

 

 

 

photo5231157355373243178.jpg


OʻzA

 

Shavkat Mirziyoyev: Amalga oshirilayotgan ishlarimizdan maqsad xalqimizni boy qilish

 
Prezidentimiz Yakkabogʻ tumanida “Sag agro Yakkabogʻ” masʼuliyati cheklangan jamiyati tomonidan barpo etilayotgan yongʻoqzor va bodomzorlarni borib koʻrdi. 
 

 

photo5229094521235679785.jpg
 

 

Mamlakatimizda qishloq xoʻjaligini rivojlantirish, ayniqsa, lalmi yer maydonlaridan foydalanishni ragʻbatlantirish va samaradorligini yanada oshirish, eksportbop yongʻoq ishlab chiqarish hajmini koʻpaytirish, xorijiy investitsiyalarni keng jalb qilish hisobiga zamonaviy yongʻoq plantatsiyalarini barpo qilish hamda yongʻoq yetishtirish boʻyicha ilmiy asoslangan usullar va intensiv texnologiyalarni keng joriy etishga alohida eʼtibor qaratilmoqda. 

 

 

 

Davlatimiz rahbarining 2017 yil 1 iyundagi “Yongʻoq ishlab chiqaruvchilar va eksport qiluvchilar uyushmasini tuzish va uning faoliyatini tashkil etish toʻgʻrisida”gi qarori hamda Prezidentimizning joriy yil yanvar oyidagi Qashqadaryoga tashrifi davomida bergan topshiriqlari asosida tumanda “Sag agro Yakkabogʻ” masʼuliyati cheklangan jamiyati tomonidan 25 milliard soʻm mablagʻ evaziga 1140 gektar maydonda yongʻoqzor va bodomzorlar tashkil etish rejalashtirilgan. Ayni paytda 700 gektar maydonda yongʻoqning “Chendler”, “Cisco” va bodomning “Avijor”, “Guara” navli koʻchatlari oʻtqazildi. Kelgusi yil yana 440 gektar maydonda mazkur daraxt koʻchatlari ekiladi. Yongʻoqzor 4 yilda, bodomzor 3 yilda hosilga kiradi. 

 

 

 

Mazkur bogʻ toʻliq barpo etilgach yiliga 7 ming tonnaga yaqin mahsulot olinadi. 500 nafar mahalliy aholining bandligi taʼminlanadi. Yetishtirilgan mahsulotning 60 foizini eksportga chiqarish koʻzda tutilmoqda. Korxona kelajakda faoliyatini kengaytirish va eksport hajmini oshirishni rejalashtirgan. 

 

 

 

photo5229094521235679782.jpg

 

 

 

Prezidentimiz bu yerga yongʻoq koʻchati oʻtqazdi. 

 

 

 

Davlatimiz rahbari mahalliy tabiiy-iqlim sharoitlarga mos yongʻoqning serhosil plantatsiyalarini yaratish, hududlarda yongʻoq ishlab chiqarish hajmini koʻpaytirish, mahsulotni sotish bozorlarini kengaytirish, ishlab chiqilgan innovatsion texnologiyalarni yongʻoq yetishtirish jarayoniga joriy qilish, yongʻoq koʻchatlarini parvarish qilishga jalb etiladigan agronomlarni yongʻoq plantatsiyalarida agrotexnik tadbirlarni toʻgʻri oʻtkazish boʻyicha oʻqitish uchun maxsus tayyorlov kurslarini tashkil etish boʻyicha mutasaddilarga topshiriqlar berdi. 

 

 

 

Shu yerning oʻzida Qashqadaryo viloyati tumanlaridagi zaxira yer maydonlarida oʻrmon xoʻjaliklari tomonidan 2019-2020 yillarda pista, achchiq bodom, yongʻoq va chakanda (oblipexa) plantatsiyalarini tashkil etish hamda Qamashi davlat oʻrmon xoʻjaligida kurkachilikni rivojlantirish, mamlakatimizdagi oʻrmon xoʻjaliklari va fermer xoʻjaliklarida pista plantatsiyalari barpo qilish, qorakoʻlchilik, uzumchilikni rivojlantirish, “Nasaf agro impeks” MCHJ tomonidan Kitob tumanida zamonaviy intensiv bogʻ tashkil etish loyihalari taqdimoti oʻtkazildi. 

 

 

 

Davlatimiz rahbariga viloyatda baliqchilik, parrandachilik, chorvachilik sohasini rivojlantirish boʻyicha amalga oshiriladigan ishlar haqida maʼlumot berildi.

 

 

 

photo5229094521235679784.jpg

 

 

 

photo5231157355373243192.jpg

 

 

 

photo5229094521235679786.jpg
Payshanba, 29 Noyabr 2018 00:00

MATEMATIKLARDA 1 KUMUSh, 2 BRONZA

Avtor


Har yili kuzda an'anaviy tarzda Novosibirsk davlat universitetida oliy ta'lim muassasalari talabalari o'rtasida xalqaro ochiq olimpiada o'tkaziladi. Musobaqa 2 toifada: 1-kurslar va 2-4-kurs talabalari o'rtasida yakka hamda jamoaviy tartibda bo'lib o'tadi. Bu yil unda Rossiya, Qozog'iston va O'zbekistonning etakchi oliy ta'lim muassasalaridan 260 o'g'il-qiz o'z bilimini onlayn tarzda sinovdan o'tkazdi.
E'tiborlisi, yuqori kurslar o'rtasidagi yakkalik bahslarida Qarshi davlat universiteti talabasi Sardor Saidov kumush, Navbahor Nuralieva bronza medalga sazovor bo'ldi. Shuningdek, yuqori bosqich talabalari o'rtasidagi jamoaviy bahslarda universitet jamoasi bronza medalga loyiq ko'rildi.
N.XO'JAYEV
Qashqadaryogz.uz ma'lumotlari asosida

Payshanba, 29 Noyabr 2018 00:00

Yuqori TEXNOLOGIYA, SIFAT VA SAMARA UYG'UNLIGI

Avtor

Biz Gollandiya deb atashga odatlangan Niderlandiya qirolligining umumiy maydoni 41,5 ming kvadrat kilometrni tashkil etadi. Aholisi soni esa 17 million atrofida.
O'zimiz bilan qiyoslab ko'raylik: Niderlandiya qirolligi hudud jihatidan respublikamizdan qariyb 11 marotaba kichik. Aholisi soni esa atigi ikki barobarga kam. Bu o'z-o'zidan qirollik aholisi qanchalik zich yashashini va erning har qarichi juda katta qiymatga ega ekanligini anglatadi. Biroq shunga qaramay, mamlakat qishloq xo'jaligi mahsulotlari etishtirish borasida ham, uni qayta ishlash va eksportga chiqarish bo'yicha ham nafaqat bizni, balki dunyoning ko'plab rivojlangan davlatlarini ortda qoldirmoqda. Birgina raqamga e'tibor qarataylik: qirollik oziq-ovqat mahsulotlarini eksport qilish bo'yicha dunyo davlatlari ichida AQShdan keyin ikkinchi o'rinni egalab turibdi. Xo'sh, ular bunga qanday erishmoqda? Quyida Niderlandiya qishloq xo'jaligidagi eng ilg'or jihatlar haqida to'xtalamiz.

Har bir fermer - innovator bo'lishi shart

Gollandlar "mamlakatimiz kichik bo'lsa-da, uning har bir kvadrat metri yuqori innovasion sifatga ega", deya faxr bilan so'zlashadi. Bunday faxrlanishga to'la asos bor. Chunki, qirollikda odatiy va shunchaki ekin ekiladigan erni umuman uchratmaysiz. Har qarich ekin maydoni hisob-kitobli va u erda, albatta, mahsulot etishtirishning yuqori samara beruvchi texnologiyalari joriy etilgan.
Mamlakatda qishloq xo'jaligi uchun mutaxassislar tayyorlash ham yuqori darajada yo'lga qo'yilgan. Misol uchun dunyoning eng yaxshi universitetlari yuztaligiga kiritilgan. Vageningen universiteti xalqaro miqyosda qishloq xo'jaligi uchun mutaxassislar tayyorlaydi. Xususan, unda dunyoning 100 davlatidan o'n mingga yaqin talabalar bilim oladi, innovasion ishlanma va dasturlar amalga oshiriladi. Ushbu oliy dargoh hukumat, xususiy kompaniyalar, ta'lim muassasalarining o'ziga xos platformasi hisoblanadi.
Ilmiy hamjamiyat va ishlab chiqarish o'rtasidagi hamkorlik samarasida mamlakat qishloq xo'jaligida yuqori texnologiyalarni joriy etish ko'rsatkichi yil sayin yuksalib bormoqda. Xususan, ana shunday innovasion ishlanmalar hisobiga suvga bo'lgan qaramlik 90 foizga qadar qisqartirildi. Issiqxona iqtisodiyotida kimyoviy vositalardan  foydalanish deyarli to'xtadi. Chorvachilik va parrandachilikda antibiotiklardan foydalanish esa 60 foizga qisqardi.
Ta'kidlab o'tish joizki, Niderlandiyada qishloq xo'jaligi uchun ajratilgan erlarning 27 foizi haydaladigan, 32 foizi yaylovlar va 9 foizi o'rmon maydonlari hissasiga to'g'ri keladi. Haydaladigan, ya'ni dehqonchilik qilinadigan erlarning asosiy qismini issiqxonalar egallagan. Mamlakatdagi mashhur fermer xo'jaliklaridan biri - "Duijvestijn Tomaten" issiqxonalarida pomidor issiqlik izolyasion bazalt tolalalarida o'stiriladi. Sub'ekt 15 turdagi pomidor ishlab chiqaradi, tizim butunlay avtonom va mustaqil: elektr ta'minoti va o'g'itlar, qadoqlash materiallari o'ziniki. Xuddi shunday, barcha fermer xo'jaliklariga suv, o'g'it va zararkunandalarga qarshi vositalarni etkazib berish, yilning barcha faslida bir xil harorat va namlikni saqlash - bularning barchasi avtomatlashtirilgan.
Hatto, fermer xo'jaliklariga tegishli yaylovlar ham kompyuterlashtirilgan dasturlar asosida nazorat qilinadi va chorva mollari qachonki bir yaylovdagi o'tni to'liq eb tugatgandan so'nggina ikkinchi yaylovga o'tishi mumkin.

Kuch, mablag' va vaqtni behuda sarflamaslik kerak

Niderlandiyada dehqonchilik erlari va suv resurslari eng tejamkor, shu bilan birga eng ko'p daromad keltirishi mumkin bo'lgan mahsulotlarnigina etishtirishga yo'naltiriladi. Ya'ni, biror ekinni ekishdan avval, albatta, unga ketadigan sarf-xarajat hisob-kitob qilinadi va iqlimga mosligi o'rganiladi hamda yuqori daromad olish mumkin bo'lgan mahsulotlargina serunum erlarda etishtiriladi.
Misol uchun, chorva ozuqasi ekishga katta er maydoni zarur. Vaholanki, fermer bu erda eksport uchun tonnalab kartoshka, pomidor yoki millionlab dona gul etishtirishi mumkin. Bu esa chorvadan ko'ra yuz barobar ko'proq foyda keltiradi. Qolaversa, mollar ozuqasini qo'shni davlatlardan unumsiz erlarni arzon narxda ijaraga olib, o'sha erda etishtirish yoki boshqa mamlakatlardan import qilish ham mumkin. Qishloq xo'jaligida iqtisodiy tahlillarni mukammal olib boradigan niderlandiyaliklar asosan ana shu usuldan foydalanadi.
Qolaversa, qirollikda qishloq xo'jaligi ekinlarini ekishning belgilangan tartib va me'yorlari joriy etilgan.  Misol uchun kartoshkani bir maydonda 4 yilda bir marta, qand lavlagini esa 3 yilda bir martadan ko'p ekish qonun bilan taqiqlangan. Bu tuproqning kasallanishi hamda hosildorlik pasayib ketishi oldini oladi.

Meva-sabzavotlari xaridorgir

Niderlandiyalik tadbirkorlar o'zlari etishtirigan meva va sabzavotlarni eksport qilish borasida ham juda katta tajriba to'plashgan. Ular boshqalar uchun eng maqbul bo'lgan mahsulotni taqdim etishadi.
Misol uchun, aksariyat davlatlar iste'molchilari ekologik toza va kimyoviy o'g'itlarsiz etishtirilgan qishloq xo'jaligi mahsulotlarini sotib olishni ma'qul ko'radi. Shu bois, golland mutaxassislari meva-sabzavot ekinlarining nav va genini yaxshilash bilan bir qatorda, ularni kimyoviy o'g'itlarsiz etishtirishga ham alohida ahamiyat qaratmoqda. Bu esa yanada foydali bo'layapti. Masalan, kimyoviy o'g'itlar yordamida 0,01 gektar erdan 1 tonna pomidor olib, uni arzon narxda sotgandan ko'ra, faqat mahalliy o'g'itlar yordamida 800 kilogramm hosil olib, qimmat narxda eksport qilish ko'proq daromad keltiradi. Qolaversa, bu jihat boshqa davlatlarning Niderlandiyada etishtirilgan qishloq xo'jaligi mahsulotlariga nisbatan ishonchini oshirib, mamlakatning eksportdagi obro'yi yanada yuksalishiga xizmat qilayapti.
 Ayni paytda qirollikda eng ko'p etishtiriladigan mahsulot kartoshka hisoblanadi. 0,01 gektar erdan  o'rtacha 700 kilogramm hosil olinadi va dunyoning 70 mamlakatiga eksport qilinadi. Ikkinchi o'rinda qand lavlagi tursa, bryussel karami, bodring va pomidor, piyoz, kanakunjut, raps va sikoriy ham etakchi o'rinlarni egallab kelmoqda.
Niderlandiyada qishloq xo'jaligi mahsulotlarini qayta ishlash sanoati yuqori darajada rivojlangan. YEtishtirilgan mahsulot asosan, mamlakat ichkarisidagi korxonalarda qayta ishlanib, eksportga chiqariladi.

"Gullar mamlakati"dagi gulchilik

Gulchilik Niderlandiya qishloq xo'jaligining asosiy tarmoqlaridan biri hisoblanadi. Bu davlat dunyoning deyarli barcha mamlakatlariga eksport qilinadigan gullari bilan ham mashhur.
Qirollikda o'stiriladigan gullar ichida Golland lolasi o'zgacha mashhur.  Birgina Kyokenxofda har yili 7 million dona lola piyozboshchasi ekiladi. Undan tashqari, mamlakatda etishtiriladigan  nargis, liliya, giasint, gladiolus gullarining ham bozori chaqqon.
Gullar eksportga  mamlakatdagi 16 ta  ulgurji auksionlar orqali sotiladi. Ayni paytda Niderlandiya dunyo miqyosidagi gullar eksportida 65 foiz ulushga ega. Bu, o'z navbatida, mamlakat iqtisodiyotiga salmoqli ulush keltiradi.

Sigir 5 ming 600 litr sut berishga majbur

Bugungi kunda Niderlandiya go'sht va sut etishtirishda ham  dunyoning eng gigant mamlakatlari qatoriga chiqib oldi. Bir bosh moldan ko'p mahsulot olish bo'yicha esa mutlaqo etakchiga aylangan.
Misol uchun, mamlakat bo'yicha 1 gektar yaylov hisobiga yiliga 9,5 ming litr sut olinar ekan. Bu ko'rsatkich boshqa birorta davlatda qayd etilgani yo'q. Bunday samaradorlikka eng avvalo mollarning naslini yaxshilash, tizimga innovasion texnologiyalarni keng joriy etish orqali erishilmoqda.
Xususan, mamlakatdagi har bir chorva o'z pasportiga ega. Ular haqidagi barcha ma'lumotlar maxsus tizimga kiritilgan. Istalgan kishi internet orqali mamlakatdagi fermer xo'jaliklarida boqilayotgan har bir mol haqida o'zini qiziqtirgan ma'lumotni olishi mumkin. Shuningdek, fermer xo'jaliklaridagi qoramollar sog'lig'i, ozuqa tarkibi kompyuterlashtirilgan dasturlar asosida nazorat qilib boriladi.
Ana shunday e'tibor va ilg'or texnologiyalar natijasida, bir sigirdan yil davomida 9 ming litrdan 20 ming litrgacha sut olinmoqda. Agar mahsuldorligi 5 ming 600 litrdan kamayib ketsa, sigir go'shtga topshiriladi.
Har bir fermer xo'jaligida sog'ilgan sutni kamida 3 kun saqlash imkonini beradigan muzlatkichlar mavjud. Olingan sut mamlakatning o'zidagi korxonalarda qayta ishlanib, undan juda ko'p turdagi mahsulotlar tayyorlanadi va eksportga chiqariladi. Birgina pishloq ishlab chiqarish bo'yicha Niderlandiya dunyoda 4-o'rinni egallaydi. Har yili mamlakatga sut mahsulotlari eksportidan kamida 5 milliard evro foyda keladi.

O'rgansa arziydigan tajriba

Qishloq xo'jaligi sohasidagi  bunday yutuqlar boshqa davlatlar mutaxassislarini Niderlandiya tajribasini o'rganishga undamoqda. Bu esa qirollikka yana bir soha - qishloq xo'jaligi uchun xalqaro miqyosdagi kadrlar tayyorlash tizimini rivojlantirish imkonini berayapti. Ayni paytda mamlakatda bu tizim ham juda yaxshi yo'lga qo'yib olingan.
Bugunga kelib, kadrlarni amaliy tayyorlash, aniq innovasion dehqonchilik va chorvachilikni amalga oshirish, qishloq xo'jaligini mexanizasiyalash va avtomatlashtirish kabi dasturlar realizasiyasi va amaliy yordam berish dasturlari ham mamlakatga juda katta iqtisodiy foyda keltirmoqda.
J.BOYMURODOV tayyorladi.
Qashqadaryogz.uz  ma'lumotlari asosida

Joriy yilning 11 oktyabr kuni O'zbekiston Respublikasi Prezidentining “Davlat mulki ob'ektlarini va er uchastkalariga bo'lgan huquqlarni tadbirkorlik sub'ektlariga sotish tartibini soddalashtirish bo'yicha qo'shimcha chora-tadbirlar to'g'risida”gi 5552-son Farmoni qabul qilindi.

Farmonga muvofiq, endilikda, savdolarga chiqarilgan davlat mulki ob'ektlari – Qoraqalpog'iston Respublikasi Vazirlar Kengashi raisi va viloyatlar hokimlari tomonidan o'z vakolatlari doirasida aniqlangan ko'chmas mulk ob'ektlari investisiyaviy va ijtimoiy majburiyatlarni belgilagan holda - 1 so'mga teng qiymatdagi boshlang'ich narxda sotilishi belgilandi.

Shuningdek, boshqa ko'chmas mulk ob'ektlari bo'yicha – qayta baholanmasdan, ularni o'tkazish kunidagi savdolarda shakllangan narxda “E-IJRO AUKSION” elektron savdo maydonchasiga o'tkaziladi va savdoga chiqariladi. 

Investisiyaviy loyihalarni amalga oshirish uchun auksion o'tkazmasdan, investor bilan to'g'ridan-to'g'ri muzokaralar orqali investisiyaviy hamda ijtimoiy majburiyatlar belgilagan holda er uchastkalarini berish va bo'sh turgan davlat ko'chmas mulk ob'ektlarini belgilagan holda sotib olish imkoniyati ham tug'ildi. 

Unga ko'ra, tegishli davlat idoralari tomonidan davlat mulki ob'ektlari va er uchastkalariga bo'lgan huquqlarni sotish tartibini soddalashtirish bo'yicha eksperiment tartibi belgilandi.

Eksperiment tartibi bilan davlat mulki ob'ektlari va er uchastkalari “E-IJRO AUKSION” yagona elektron savdo maydonchasida tanlov ishtirokchisining investisiyaviy va ijtimoiy majburiyatlari inobatga olingan holda sotiladi. 

“Elektron onlayn-auksion savdolarni tashkil etish markazi” DUK tomonidan tashkillashtirilayotgan elektron onlayn-auksion savdolariga Respublikaning tuman va shahar xokimliklari tomonidan 3351 ta bo'sh er uchastkalari, 835 mlrd. 878 mln. so'm investisiya kiritish, 12685 ta yangi ish o'rinlarini yaratish sharti bilan 23mlrd. 936 mln.  900 ming so'm miqdordagi mol-mulklar auksion savdolariga chiqarildi. 

 Bugungi kunga qadar "E-IJRO AUKSION" elektron onlayn-auksion savdolarida 1311ta bo'sh er uchastkalari 365 mlrd. 940 mln. so'm investisiya kiritish, 5 660 dan ortiq yangi ish o'rinlarini yaratish sharti bilan 10 mlrd. 191mln  700 ming so'mga sotildi. 

Hozirda "E-IJRO AUKSION" elektron onlayn-auksion savdolarida 2040 ta bo'sh er uchastkalari 21 mlrd. 764 mln.600ming so'm miqdordagi auksion savdolariga chiqarildi.

Misol uchun, elektron onlayn-auksion savdolariga bugungi kundabirgina, Qashqadaryo viloyatining Davlat raqobat boshqarmasi tomonidan 20 ta  bo'sh turgan davlat mulki ob'ektlari boshlang'ich bahosi 1 so'm miqdorida, 172 yangi ish o'rinlarini yaratish hamda 8 mlrd. 313 mln. so'm investisiya kiritish sharti bilan auksion savdolariga chiqarildi.

Shuningdek, qarzdorlik evaziga davlat ijrochilari tomonidan xatlangan 61 turdagi 1 trln. 375 mlrd. 309 mln. so'mlik mol-mulklar elektron savdoga qo'yilgan. Shulardan, 42 tasi avtomototransport vositalari, 13 tasi ko'chmas mulk, 6 tasi maxsus texnika va boshqa turdagi mol-mulklvarni tashkil etadi.

Tadbirkor va investorlar o'zlariga ma'qul bo'lgan er uchastkalarini hamda bo'sh turgan davlat mulki ob'ektlarini onlayn-auksion savdolarida qatnashib sotib olish imkoniyatlari mavjud.  

Auksiondagi ishtirokingiz yurt ravnaqi  hamda biznesingiz taraqqiyotiga ulkan hissa qo'shadi

 

shanba, 17 Noyabr 2018 00:00

Sudyalar sayyor qabuli:

Avtor

Aholi manfaatlari, qonun va adolat tantanasi yo'lida

Davlat rahbari tomonidan 2017 yilning 13 iyun kuni mamlakatimiz sud xodimlari bilan uchrashuvda ko'rsatib o'tilgan tizimdagi jiddiy kamchilik va muammolarni bartaraf etish hamda sudyalar oldiga qo'yilgan vazifalarni samarali hal qilish uchun har bir sudya o'z ishiga bo'lgan munosabatini tubdan qayta ko'rib chiqib, shaxsiy mas'uliyatini keskin oshirishi zarur. Ayniqsa, inson manfaatlari himoya qilinishini ta'minlash, xalq bilan muloqot qilish, uning dardu tashvishlari, orzu-niyatlari, hayotiy muammo va ehtiyojlarini yaqindan bilish muhim hayotiy masalalardan biridir.

Shu yilning 8-9 noyabr kunlari o'tkazilgan O'zbekiston Respublikasi Oliy sudi tomonidan tizimga daxldor masalalar yuzasidan kelib tushayotgan aholi murojaatlarini ko'rib chiqishga qaratilgan sayyor uchrashuvlar ham ayni maqsadlar ro'yobiga qaratilgani bilan e'tiborlidir. O'zbekiston Respublikasi Oliy sudi raisi o'rinbosari X.Yodgorov boshchiligidagi Oliy sud sudyalari hamda viloyat sudlari raislari ishtirokida Qarshi va Shahrisabz shaharlarida, G'uzor, Koson tumanlarida xalq bilan ochiq muloqotlar, uchrashuvlar bo'lib o'tdi.

Sayyor qabullarda sud qarorlari va ajrimlaridan norozi bo'lgan turli ijtimoiy-iqtisodiy masalalarda huquqiy maslahat va ko'mak so'ragan 39 fuqaroning murojaati tinglandi.

Tahlillarga ko'ra, qabulga kelganlarning 15 nafari sud qarorlaridan norozi bo'lib, 6 nafari sud qarorlari ijro etilmayotgani, 1 nafari sudda ish uzoq vaqt ko'rilayotgani, 17 nafari esa uy-joy, er, oila va mehnat nizolari yuzasidan murojaat qilgan. Shu asosda har bir murojaat va uning echimini qonun talablari doirasida ijobiy hal qilish nazoratga olindi. Masalan, Koson tumanida yashovchi B.Bozorov uy-joy nizosi yuzasidan quyi sudlar tomonidan qabul qilingan sud qarorlaridan norozi bo'lib, nazorat tartibida shikoyat taqdim qildi. Uning shikoyati Oliy sudda ko'rib chiqish uchun qabul qilindi.

Bundan tashqari, tuman hokimliklari bilan hamkorlikda 1 ayolga 2 xonali turar joy ajratildi, 2 kishi ishga joylashtirildi. Majburiy ijro byurosining hududiy bo'limlari bilan hamkorlikda 3 fuqaroning aliment undirish bilan bog'liq muammolari ijobiy hal qilindi.

Aholi vakillari bilan uchrashuvlarda huquqbuzarlik, jinoyatchilik va oilaviy ajrimlarning oldini olish hamda aliment, meros huquqiga oid munosabatlarni tartibga solishda sudlar mahalla, Yoshlar ittifoqi va boshqa jamoatchilik tashkilotlari bilan hamkorlikni yanada mustahkamlashi lozimligi ta'kidlandi.

Shuningdek, ikki kun davom etgan tadbir davomida viloyatdagi jazoni ijro etish muassasalarida insonparvarlik aktlarini qo'llash bo'yicha sayyor sud majlislari bo'lib o'tdi. Bunda jazoni o'tash mobaynida yaxshi xulq-atvorga ega, mehnatga vijdonan munosabatda bo'lgan, tarbiyaviy tadbirlarni o'tkazishda faol ishtirok etgan 61 mahkumga nisbatan tegishli muassasa tomonidan keltirilgan taqdimnomalar ko'rib chiqildi. 8 kishi muddatidan ilgari jazodan ozod qilindi va 19 mahkumning jazosi ozodlikdan mahrum qilish bilan bog'liq bo'lmagan engilroq jazo turi bilan almashtirildi. O'zbekiston Respublikasi Jinoyat-ijroiya kodeksining 113-moddasiga asosan 34 nafar mahkumning saqlash sharoiti    engillashtirilib, ular manzil-koloniyalarga o'tkazildi. Bundan tashqari, 2 nafar shaxsga nisbatan sud hukmi bilan ozodlikdan mahrum qilish bilan bog'liq bo'lmagan jazolar tayinlanib, sud zalidan qamoqdan ozod qilindi.

Xalqimiz azaldan etim-esir, imkoniyati cheklangan kishilarga mehr-muruvvat ko'rsatish, ularning holidan xabar olib, og'irini engil qilishni ezgu va savobli ish deb biladi. Bu azaliy qadriyat sayyor qabullar davomida ham namoyon bo'ldi. Xususan, ishchi guruh a'zolari Shahrisabz tumani Yangiqishloq mahallasida yashaydigan birinchi guruh nogironi Turdimurod Raupovni sovg'a-salom bilan yo'qlagan bo'lsa, G'uzor tumanidagi Xo'jaguzar mahalla fuqarolar yig'inida istiqomat qiluvchi ijtimoiy himoyaga muhtoj, 1-guruh nogironi Doston Rasulovga nogironlik aravachasi topshirildi. 

Shu bilan birga, Kitob tumanidagi Mehribonlik uyi tarbiyalanuvchilari bilan suhbat qurildi, ularning kelgusidagi orzu-niyatlari bilan yaqindan tanishildi. Jajji bolajonlarga turli xil sovg'alar, o'yinchoqlar tuhfa etildi.

Bunday tadbirlar xalq ishonchini qozonish, odamlarni qiynayotgan muammolarni chuqur o'rganib hal etishga xizmat qilishi shubhasiz. Zero, asosiy maqsadimiz ham xalq uchun xizmat qilish, qonun va adolat tantanasini ta'minlashga qaratilgan.

Abduqayum MAHKAMOV,

jinoyat ishlari bo'yicha viloyat sudi raisi

qashqadaryogz.uz ma'lumotlari asosida

 

shanba, 17 Noyabr 2018 00:00

Nasl yaxshilanib, son ortmoqda

Avtor

Jahon olimlarining fikrlariga ko'ra, barcha qo'y zotlari orasida qorako'l nasli foydalilik jihatidan alohida ajralib turadi. Boisi, faqat shu zotga mansub qo'ylardangina biryo'la to'rt-besh xil mahsulot - farmasevtika va pishloq sanoatlari uchun shirdon, qimmatbaho mo'yna, mayin jo'n, tez hazm bo'ladigan, 3800-4000 kaloriyali go'sht va boshqa xom ashyolarni olish mumkin.

shanba, 17 Noyabr 2018 00:00

Kichik havzada – tonnalab baliq

Avtor

Qarshi tumanilik Sherzod Rahimov o'z xonadonida baliq etishtirishni yo'lga qo'ygan. Aytishicha, shu maqsadda u bultur tomorqasidan 1 sotix er ajratib, o'ziga xos inshoot barpo qilgandi. To'g'ri, ancha-muncha xarajatga tushdi, ammo shu ishga qo'l urganiga sira afsuslanmadi. Aksincha, oilaga yaxshi foyda keltiruvchi mashg'ulot topgani rost. Asosiysi, baliqchilik tarmog'ini rivojlantirish uchun u qadar katta havza shart emasligiga o'zi ham ishonch hosil qildi. Baliq ko'paytirishga mo'ljallangan havza yuzasi 50 kvadrat metr atrofida. Ushbu basseyn atigi 40 kub metr suv sig'imiga ega. Shugina joydan qancha ham baliq ovlash mumkin, dersiz. Tonnalab, desak, mubolag'aga yo'yarsiz. Ammo bu haqiqat.

Ishbilarmonning bildirishicha, barcha talablarga amal qilinsa, bunday sharoitda bir mavsumda luqmai halol hosilini 10 tonnadan ham oshirish mumkin. Birinchi yili xonadon sohiblari 3 tonnadan ko'p baliqni aholi dasturxoniga taqdim etishibdi. Joriy yilda esa mahsuldorlik bundan-da yuqori bo'lishi kutilmoqda. Muvaffaqiyatning siri esa ular qo'llayotgan intensiv usulda. Fan tilida ushbu usul yopiq suv aylanma tizimi deb ataladi.

 - Mazkur yangilik yurtimiz baliqchilik tarmog'iga endi-endi kirib kelyapti, - deydi Sherzod Rahimov. – Bu texnologiyani chet eldan o'rganib qaytdim. Hech ikkilanmay, o'zimizda ham qo'llashga qaror qildim. Usti yopiq bino ichida 5 ta maxsus boks qurdik. Har biri 4 metrga 2,5 metr o'lchamda bo'lib, yonma-yon joylashtirildi. Ayni texnologiyaning o'ziga xosligi shundaki, bu holatda qishin-yozin baliq boqish bilan shug'ullanish mumkin. Negaki, ushbu tizim qurilmasidagi suvni isitish imkoni mavjud. Havo sovuq kunlarda ham boksda muayyan iliq harorat o'rnatilsa, baliqlar bemalol jon saqlaydi.  Shuningdek, havza suvini kislorodga to'yintirish chorasi ham ko'rilgan. Bunda aerasiya usuli juda qo'l keladi. Boshqacha aytganda, bir tomondagi quvur orqali suv havzaga oqib tursa, boshqa tomondan chiqib ketadi. Shu orqali sirkulyasiya ta'minlanadi, suv doim filtrlab turiladi. Natijada ozuqa ham, suv ham tejaladi.

Darhaqiqat, bu texnologiya dunyo baliqchilik sanoatida ancha ommalashib ulgurgan. Kichik   hajmli havzada baliqlar harakati cheklanishi hisobiga ularning rivojlanishi tezlashadi. Parvarishlash jarayoni davomiyligi uzayishi evaziga    jonivorlarning vazn to'plash sur'ati ham oshadi.

Albatta, yaxshi yangilik tez ovoza bo'ladi. Tez orada Sherzod Rahimovdan o'rnak olgan tadbirkorlar ham topildi. Qarshi tumanidagi, shu yil tashkil etilgan “Big agro fish” mas'uliyati cheklangan jamiyati qoshida xuddi shu usulda baliq ko'paytirish boshlanganiga 6 oydan o'tdi.

- Ko'p yillar baliqchilik bilan shug'ullanganman, asosan ochiq suv havzalarida tabiiy sharoitda mahsulot etishtirganmiz, - deydi tadbirkorlik sub'ekti rahbari A'zam Rajabov. -  Yaqinda ko'rib, mazkur intensiv yo'nalishga ham qiziqib qoldim. Samarasini bilgach, sarmoya tikishga ahd qildim. Bankdan 150 million so'm miqdorida kredit oldik. O'z hisobimizdan 100 million so'm mablag' ham sarfladik. Tasarrufimizdagi binoning bir qismini yangi usulda baliq boqishga moslashtirdik. Kichik-kichik 9 ta hovuz barpo etildi. Hozirgacha uchta boksni suv aylanma tizimi bilan jihozladik. 8 mingta chavoq tashlaganmiz. Mana, ayrim baliqlar qisqa fursatda 1,5 kilogrammdan ortiq tosh bosadigan bo'ldi.

Tadbirkorning so'zlariga ko'ra, hamma turdagi baliqlarni ham bu usulda boqib bo'lmaydi. Baliqlarning sanoatlashgan zotlarigina bu sharoitga moslasha oladi. Ishbilarmon bugungi kunda Afrika laqqasini parvarishlashga asosiy e'tibor qaratgan. Chavoqlarni sotib olayotgani mahsulot tannarxiga ta'sir qilayotganini aytadi. Shu bois kelgusida inkubasiya sexi ochish maqsad qilingan. YEtishtirilajak chavoqning bir qismi korxona ehtiyoji uchun ishlatilsa, qolgani buyurtma asosida hududdagi xo'jaliklarga etkazib beriladi. Tovar baliq realizasiyasini yanada engillashtirish niyatida baliqxona yonida maxsus choyxonani ishga tushirish ko'zda tutilgan.

Ahamiyatlisi, keyingi yillarda viloyatimizda ham baliq ishlab chiqarishda intensiv texnologiyalarni faol joriy etuvchi sub'ektlar soni yanada ko'payadi. Ayniqsa, davlatimiz rahbarining “Baliqchilik sohasini yanada rivojlantirishga doir qo'shimcha chora-tadbirlar to'g'risida”gi qarori ularni yanada ruhlantirdi. Ushbu hujjatga asosan, mamlakatimizdagi baliqchilik xo'jaliklarini intensiv usulda baliq etishtirishga ixtisoslashtirish ustuvor vazifalardan biri etib belgilandi. Yangi tartibga muvofiq, endilikda sun'iy suv havzalarida baliq etishtirish loyihasi uchun er uchastkasi faqat intensiv usul va resurstejamkor texnologiya qo'llanishi sharti bilan ajratiladi.

Prezident qarorida baliq etishtirish inshootlari va qurilmalarini barpo etishga ham alohida to'xtalib o'tilgan. 2019 yilda viloyatimizda mavjud inkubasiya sexlari soni yana bittaga ko'payadi. Ushbu quvvat yiliga 50 million dona chavoq etkazib berish imkoniga ega bo'ladi. Havzalarda 100 ta qafas moslamasi o'rnatiladi. Intensiv usul qo'llanadigan kichik suv havzalari maydoni 36 gektarga, ularda baliq ishlab chiqarish 1800 tonnaga ko'payadi. Bitta yopiq suv aylanma tizimi ham bunyod etiladi. Baliqni saqlash va qayta ishlashni yo'lga qo'yish bo'yicha ham choralar belgilangan. Shu yo'nalishda ish olib boruvchi yangi sexlarning barpo etilishi natijasida vohamizda bu boradagi quvvat qo'shimcha ravishda 800 tonnaga ortadi.

 

- Ushbu qaror bilan soha vakillariga ko'plab qulaylik va imtiyozlar taqdim etildi, - deydi Qamashi tumanidagi “Abdurahimov Boburjon” fermer xo'jaligi rahbari G'ani Haydarov. – O'z navbatida baliqchilik xo'jaliklariga zarur talablar ham qo'yildi. Yangilikka intilish, resurstejamkor texnologiyalarni faoliyatga tatbiq etish shulardan biridir. Hujjatda baliqchilik klasterini ommalashtirish haqida ham so'z borgan. Ya'ni tadbirkorlik sub'ekti baliq uvildirig'i, chavog'i etishtirish, ozuqa ishlab chiqarishdan tortib, tayyor mahsulotni qayta ishlashgacha bo'lgan barcha jarayonni o'zida jamlashi kerak. Agar yangi ish boshlaydigan klasterning baliq ishlab chiqarish quvvati kamida ellik tonna bo'lsa, u 2019 yil 1 yanvardan boshlab uch yilga barcha turdagi soliqlardan ozod etilishi mumkinligi ta'kidlandi. E'tiborlisi, xo'jaligimizda ham bunga barcha sharoit mavjud. Tumanimiz hududidagi suv omborini muayyan muddatga ijaraga olganmiz. Joriy mavsumda 40 tonnadan ortiq tovar baliq ishlab chiqardik. Bu degani, yana harakat qilsak, bu talabni ham bajara olamiz. Asta-sekin boshqa yo'nalishlarni ham yo'lga qo'yamiz. Hozirdan chavoq etishtirishni o'zlashtirish bo'yicha ish boshlaganmiz.

Turli vitamin va oqsillarga boy, salomatlik uchun foydali baliqdek tansiq mahsulot doim xaridorgir bo'lgan. Mavjud yuqori ehtiyojni qoplash esa baliqchilik xo'jaliklari zimmasiga alohida mas'uliyat yuklaydi. Joriy yilda vohamizda ham bu borada zarur choralar ko'rildi. Mavsum avvalida mavjud havzalar 7 million 820 ming dona chavoq bilan baliqlantirilgandi. Ko'zlangan maqsadga erishish uchun baliqchilik xo'jaliklariga 8,8 ming tonna omixta em, ming tonnadan ziyod mineral o'g'it etkazib berildi. Bu yo'nalishdagi loyihalarni qo'llab-quvvatlash maqsadida tijorat banklari tomonidan 16 milliard so'mdan ko'p moliyaviy ko'mak taqdim etildi. 1 noyabr holatida esa viloyatimiz miqyosida 5 ming 831 tonna baliq ovlanib, aholi dasturxoniga tuhfa etildi. Yil oxiriga qadar bu ko'rsatkichni 10 ming tonnaga etkazish rejalashtirilgan.

Mirzohid JO'RAYEV

Sobir NARZIYEV olgan surat.

Qashqadaryogz.uz ma'lumotlari asosida

 

Qarshida O'zbekiston Respublikasi Agrosanoat majmui va oziq-ovqat ta'minoti sohasidagi loyihalarni amalga oshirish agentligi, viloyat hokimligi hamda qator soha tashkilotlari hamkorligida Chorvachilikni rivojlantirish xalqaro forumi bo'lib o'tdi.

Qarshida O'zbekiston Respublikasi Agrosanoat majmui va oziq-ovqat ta'minoti sohasidagi loyihalarni amalga oshirish agentligi, viloyat hokimligi hamda qator soha tashkilotlari hamkorligida Chorvachilikni rivojlantirish xalqaro forumi bo'lib o'tdi.

Unda agentlik mutaxassislari, xalqaro konsultantlar, viloyat hokimligi, hokimlik tizimidagi sohaga aloqador korxona va tashkilotlar vakillari, viloyatimizdagi chorvachilik hamda chorvachilik mahsulotlari ishlab chiqarish bilan shug'ullanayotgan tadbirkorlik sub'ektlari mulkdorlari ishtirok etdi.

Page 1 of 11

Manzilimiz


Manzil: Qashqadaryo viloyati, Qarshi shahri, Mustaqillik Maydoni,1
Pochta indeksi:180100
Telefon
: 0(375)221-12-88, 0(375)221-03-81
Faks
: 0(375)221-13-40
Veb-sayt
http://www.qashqadaryo.uz
Elektron pochta
Yaqin jamoat transport to`xtash joylari 
Milliy bank va Mustaqillik Maydoni bekati
Avtomashrut
1,4,5,7,10,18,20,22,23,27,
37,44,462,11,21,37,33

Hozir saytimizda

Bizning saytimizda 180 mehmonlar va ro'yhatdan o'tgan foydalanuvchilar 0

Maxsus imkoniyatlar

K'orinish

Pastda o'zingizga kerakli parametrni tanlasng
Blue Green Red Radian
Select menu
Google Font
Body Font-size
Body Font-family